العين تدمع من حزين .. الطواريق
الياشله المقهور من جوف . صدره
شفنا كبار السن تبكي .. المطاليق
اللي بدل بالدار ........ واللي بقبره
من القهر وعقوق بعض . المخاليق
وأهل الردى والنوم للقلب . حسرة
ما لوم انا الشيبان تبكي . مخانيق
كم غصة بالحلق تحتاج ..... عبرة
لولا دموع العين تجدع من الضيق
كم واحد ينهار ويطول ..... كسره
يا كسرة الخاطر ويا نشفة . الريق
وش ينفع المجروح لو طاب عطره
يا رب تلطف بالنشامى بالمحانيق
من ضيقة بالعود لو طال ... صبره
ما حوله اللي ينفعه ساعة .. يفيق
كل على ليلاه يغني ...... ويشره

القارظ العنزي