|
ابتعادي .. ~ حصرية و موجهة للقارظ العنزي .. مدخل: حاولت أهرب عن القوافي و طاردتني و بسبة القارظ العنزي اليوم جيت .. اخوي لا من الليالي بجفاها اصدمتني أنتخي به و قصيدي ماهي حشو بيت ! * * المسافة بيني وبين التعب شي اعتيادي خمسة وثلاثين عام أعوامها مرَّت كليفه امتغيِّب عن دوامي امتغيِّب عن بلادي ! امتغرِّب غربة اللي لا بلاد ولا وظيفه .. مبتعد عن البشر لين حسَّوا بابتعادي عن كثير أمور يا القارظ غدت نفسي معيفه من ضغوطات الحياة ومن تقاليد البوادي صرت أوجس يا شقيق الروح من كل شي خيفه أدري إن ما ضرِّني في دنيتي إلا عنادي وشوق قلبٍ ما يهاب إلا المفارق عن وليفه يوم أجرْ الصوت و أحدو في غناي الشوق حادي كل يوم أسامره في عزلتي واحد لـ طيفه ! يشرق محياه وتعمْ السكينه في فؤادي ومن خجله اليا اهتدى حتى الهوا م اسمع وحيفه بسمته ماهي تخليني أهيم بكل وادي غير أهيم بثغره الباسم ونسمته اللطيفه كم وددت أرد للماضي على صهوة جوادي يوم ثغره قد برق على المصاقيل الرهيفه لأني اللي لا وقف في ماقفه ماهو حيادي لأن أنا من نسل من غاروا على ظهر العسيفه شرهتي مابين جلد الذات و جروحي ضمادي لا اعتزيت أخو وحش بتعوِّد جروحي طفيفه من بزوغ العمر ما دوَّرت هي بانت سُعادي بان عزٍ كاسبه راسي بيمناي الشريفه ..! * * وسلامتكم |
الله الله عليك يامبدع سلمت ولا هنت وصح الله لسانك أبيات راقت لي جدا بوركت اخي يختم ل3 ايام مع التقييم |
صح الله لسانك انا فداهم كلمات راقيه بين مد وجزر اسندت لشاعر مافيه حيله تحيتي واحترامي |
[size="5" صح لسانك ابدعت ايه الراقي المتميز [/size] |
صح السانك لاهنت ولا هان منطوقك يا الغالي الشاعر الكبير والفذ المبجل انا فداهم. جاك الرد يالجزل في موضوع مستقل واعذرنا من القصور ومثلكم كريم يعذر ويدمح حفظكم الله ورعاكم |
نص رائع ووصف الحال راق لي تشكر ويشكر القارظ على استفزاز ملكتك صح لسانك واعتلا شانك شاعر العرب |
| الساعة الآن 11:07 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا