((يا مسك سامح وانا مسامح))
 

يا مسك سامح وانا مسامح
على البلا والخطا .. الجارح
اللي وصلني من ..... البارح
والا تركناه .............. للنية

ما تنفع يا مسكنا .... الطيبة
بعض العرب حطني . بجيبه
ياما تصنع لي ......... العيبة
والعيبة والله ما هي .... ليه

سبحان ربي ........ مصبرنا
على الخوي يوم ..... يقهرنا
ياما صبرنا ......... وتصبرنا
عن هرجة تجلب ..... السية

تجاوزوا صبرنا ....... فيهم
حتى بدا الصبر .. يطغيهم
ندفع ضريبة .. .... بلاويهم
كيف الحياء ينقلب ... حية

يالمسك كانك ... تسامحهم
لاجلك اسامح . واسامحهم
ولا عاد انا اريد .... خوتهم
ما لي بهم خي ....... وخية

العب الحالك تجي .. راضي
لا مشكلة لا حكم ... قاضي
اقسمت بالله ماني . فاضي
شرحتها في ......... قوافية

القارظ العنزي

الله الله
صح لسانك شاعرنا
والله كلمات جميلة ونظم مبدع
لك كل التقدير لكلماتك المميزة~

هذا بس من ذوقك
هدى الوزير صحة ايامك

الشاعر القدير
سلطان القوافي
القارظ العنزي
صح لسانك ملايين يغالي
وعدهم صح كلك وطال عمرك
دائما تبهرني حروفك العذبه
وقصائدك الجزله
ابقى هكذا بهذا التألق
فهناك من ينتظر هذه الدرر الثمينة
لك ودي واحترامي

لاهنت شاعر العرب
الاطراء الجميل
ولا هان منطوقك