|
صاحبوا المجانين... فالعقلاء مملون جداً... من أصدق ما قرأت اي أحد عاقل لا يوطوط عندي ابي أصدقاء مجانين نفل أم أوووومها :x126: |
من المواقف المحرجه بسبب اختلاف اللهجات صار موقف محرج لما كنت في السعودية وعزمت صديقتي السعودية كانت سيدة أعمال وكشخه ما شاءالله وعندها ولد عمره ثلاث سنوات المهم حضرت العزيمة النكبة زوجة اخوي توها جايه فريش من اليمن وفي أثناء الجلسة شرب ولد السعودية مويا وبلل ثيابه فهتفت النكبة زوجة اخوي: حنان ولدك صار أخضر ( أخضر باليمني يعني مبلل) خافت صديقتي وصرخت وش في ولدي ليش صار أخضر هي على بالها اتحول لونه اخضر وبكيت وهي تضمه قلت لها اهدأي وانا محرجة من الفشلة قلت أخضر يعني مبلل قالت وهي تشاهق يعني ولدي مافيه شي التفت للنكبة زوجة اخوي وانا اطالعها بحدة وتوعد قلت لها لا حبيبتي مافيه شي هو مجر أختلاف اللهجات لا أكثر :MonTaseR_145: |
معلومة على الطاير من خبرتي بعلمكم... يا حلوين إذا جيت تقتبس من رد أحد عشان ترد عليه اكتب الرد اول وبعدين اعطيه لايك مو العكس تعطيه لايك وبعدين تكتب الرد ليش قولوا ليش؟ لأن اذا هو متواجد وشاف اللايك بيطير على الموضوع وماراح يعرف انك كتبت رد على رده لانك ياذكي سويت اللايك قبل الرد الزبدة رد ثم لايك فهمتوا:v: بالله سلكوا لي مدري وصلت لكم المعلومة ولا مافيه مفهوم سديق.... |
اقتباس:
احدهم ارسل لي في التقييم لم افهم شيئا هو فيه فكرة ومعنى وفائدة بس ماعرفت شلون اوصلها لكم :MonTaseR_145: :MonTaseR_145: :MonTaseR_145: |
اقتباس:
احدهم آخر غير احدهم الأول قال لي في التقييم عن هذه المعلومة اللي جبتها من كيسي وتجاربي قال: لا مو صح :MonTaseR_145: اكرهكم كلكم ما أحبكم ابدا :eiwp::eiwp::eiwp: |
اقتباس:
احدهم ثالث غير الأحدات الأولين شجعني ورفع معنوياتي وقال لي: ماعليك منهم .. اهم شي فكرتي ^_* :MonTaseR_135: :MonTaseR_135: :MonTaseR_135: |
اقتباس:
احدهم رابع قال لي: يابنتي حبه حبه عيدي الشرح وش قصدكم انا ماعرف اشرح انا هنديه ها قولوا هنديه بعد مو قلت لكم سلكوا لي :MonTaseR_145: :MonTaseR_145: :MonTaseR_145: |
اقتباس:
جاني تقييم أسعدني كثيراً في بداية الجملة اما في نهايتها اووووم التحطيم ليش كان كمل جميلك وبلاش ذي النهاية :MonTaseR_145: قال: فعلا معلومة قيمة وتحتاج تركيز تسلمين على توصيل الفائدة ودل على حرصك ومحبتك للخير << ها شلون التسليك ؟؟ ههههه :MonTaseR_145: |
اقتباس:
نهضت من الصباح نشيطة متفائلة... :x126: دخلت قسم المدونات قلت اسلم على جاري الظاهرة... رجل مسن كهل انهكه التعب على مر السنين... وأيضا اتأمل في ألوان خطه التي كل كلمة بلون... وآذ بي أتفأجا انه يتنمر علي نعم يتنمر... ويتهكم بسخرية من تحت الطاولة... يعنني مسوي يشرح فكرتي اللي من كيسي... شعرت لحظتها بآسى وحزن وترقرت الدموع في عيناي الجميلة...:eiwp: اللي مسوية لها مسكرة من الصبح من زود التفاؤل عندي... لماذا هذه السخرية هذا جزاء المعروف سبع كفوف؟! اهكذا يرد لي جميلي بتعليمكم من خبرتي من الحياة... ماهذه القسوة؟؟! أين الضمير والإنسانية؟! ولكن لن ارد عليه إلا بكلمة واحدة... اقصد بجملة واحدة... هييين اصبر علي شوي يابو مدونة ملونة مزركشة هييين.... الوعد قداااام.... :v: |
اليوم أخلاقي تجارية... منفسة حدي... مابي اكلم أحد ولا أقرأ موضوع أحد ولا اعطي لايك لأحد ولا بقيم أحد ولا برد على أي موضوع أحد ولا أحد يعطيني لايك ولا تقييم ولا يرد على مواضيعي أحد ولا يدخل أي مواضيعي أحد اكرهكم ما أحبكم :MonTaseR_145: |
اقتباس:
صباح الخير فيه احد ما في تقييمه لي قال على ذي المشاركة ابشري هيه ترا خلاص صرت زينه الحمدلله لاعد تنفذوا طلباتي :MonTaseR_145: |
فيه تقييم وصلني مكتوب.. ابشري على وشو اني طلبت الدعاء اموت بدري وهو ماصدق اطلب ويقول ابشري :MonTaseR_145: صدم عيشتي يبي يخلى له الجو عشان تكون مدونته الأولى لكن هيهات قاعدة على قلبكـ :MonTaseR_25: |
أختي الحبيبة... هاهي الذكرى الخامسة لرحيلك تمر... وكأنك رحلتي بالأمس... لم انساك لحظة واحدة... ابتسامتك الرقيقة... حنانك وصوتك الناعم الهادئ... لم تعجبك دنيانا الفانية... لذلك رحلتي بهدوء دون ان تودعيني... لم تخبريني برحيلك المفأجي... رحلتي ورحل شغفي بالحياة معك... كنتي تتمنيين أن تموتي وانتي صغيرة... كنتي تخافين غدر الأيام... وهرم السنين... فرحلتي وانتي في عز شبابك... لكن... اطمئني انا ايضاً اتمنى الموت وانا صغيرة... حتى القاك فقد اشتقت إليك كثيراً... أختي الحبيبة أنتي في قلوبنا لم تموتي... ذكراك العطرة لا تفارقنا... أحبكِ كثيراً... انتظريني قادمة لك قريبآ... عندها سأحضنك ولن افارقك أبداً... |
مرة جاني هبوط في الضغط ورحت مع اختي المستوصف... واعطوني محلول مغذي وجت الممرضة تبي تسوي لي أبرة... تدور على وريد عرق مالقت شي.. نادت ممرضة ثانية وثالثة وهات يا تنقيب عن عروقي... بدون فائدة... وبالصدفة مر من عند الباب دكتور جراح ياباني وشافهم محتاسين.... دخل الملقوف وقالوا ذي النكبة مالقينا لها عرق... كنت كاشفة وجهي من كثر التعب ماعد حطيت النقاب لما دخل الدكتور... المهم... ويعطيني ذيك النظرة اللي مدري شسمها... وبكل بساطة وجد العرق وضبط الإبرة وذلف... وكل شوي يجي يطمن علي... وينادي الممرضة يسألني عنها... وفي ثالث مرة دخلت الممرضة تضحك بعد ما كلمها الدكتور وتشوفني وتضحك... شافتها أختي بإستغراب وقالت وش فيك تضحكين... قالت وهي تضحك تخيلوا الدكتور وش قال لي... قلنا لها اخلصي علينا وش قال؟ قال يبي يتزوجك وتأشر علي :138: قلت انا.. قالت ايه اعجب فيك وقال انه دخل الإسلام من قريب ويبيك زوجة له... خفنا انا وأختي عاد ياباني وش ذا الحظ الردئ... قالت الممرضة احمدي ربك اتزوجيه جراح ويوديك اليابان... قلت لها شكرا مابي فكي المغذي وانحشت انا واختي على طول... اليابان يأكلون البشر... اتورط معه اقوم وقد أكل خشمي شلون اشم العطور واتنفس... . . وبعدين اتحسفت لو مأخذته كان الحين انا في اليابان... وعيالي مخترعين كل واحد منهم يخترع شي... ويخترعون لي جهاز يغسل المواعين بدالي:MonTaseR_145: لكن يلا كل شي قسمة ونصيب... |
ذات يوم وانا صغيرة في رابع ابتدائي... قررت اسوي كيكة لأهلي... مع العلم ماقد دخلت المطبخ أبداً... جبت كتاب أختي كان حقها قبل ما تتزوج وتسافر وورثته انا... جيت افتح الكتاب بكل ثقة... ولقيت طريقة الكيكة بالفانليا... بدأت اقرأ المقادير واجهزهم على الطاولة... وصلت إلى ذرة ملح... ودورت في الدواليب والثلاجة.... علبة عليها اسم ذرة ملح ماحصلت... رحت لأمي وقلت لها يماه وين ذرة الملح... استغربت وقالت حطي شوي من الملح هذي معناها ذرة ملح... سويت نفسي فاهمة وقلت يماه لا هذي ذرة ملح غير الملح... حاولت أمي بشتى الطرق تفهمني مافهمت متنحة وعنيدة... قلت لها خلي واحد من اخواني يشتري ذرة ملح... نادت ابوي وفهمته السالفة وابوي كان مدلعني الله يرحمه... قال صادقة بنتي ذرة ملح غير الملح... ونادى واحد من اخواني قال روح اشتري ذرة ملح... لف البقالات كلها والرد واحد خذ شوية ملح ويصير ذرة ملح... رجع اخوي بخفي حنين وارسل ابوي الثاني وبعدين الثالث... وكلهم قالوا ضحكتوا علينا الناس بسبب ذي النتفة... قال ابوي بروح انا مافيكم خير لأختكم هذا وانا عايش تسوون كذا لو مت وش بتسوون؟ خرج ابوي وهو زعلان ولف البقالات كلها يدور ذرة ملح... وفهموه الناس يابن الحلال ذرة ملح هو الملح نفسه... قال لهم بنتي تقول لا هو غير... المهم رجع البيت وانا اشاهق من البكاء قال لي... يا بنتي لفيت البقالات كلها محد يعرف ذرة الملح... يقولون نفس الملح... قمت اصيح واقول لا افهموا هذا غير الملح... واصيح وابكي بحرقة واقول ابي اسوي كيكة جيبوا لي ذرة ملح... عاد اخوي الكبير وصل حده قام كفخني وقال نكبتينا انتي وكيكتك... انقلعي غرفتك لا تسوين شي... دخلت غرفتي وانا حزينة محد من اهلي يشجعني اني اسوي كيكة... وبعد مدة طويلة عرفت ان ذرة ملح يعني هو شوية ملح... وكل ما اتذكر الموقف اموووت ضحك كنت دلخه وبقوووة... :MonTaseR_6: |
تقييم عزيز على قلبي :0741: . . . الغريب انك متمسكه برأيك رغم ان كل الناس قاعده تقولك يعني واحد اثنين ممكن كذابين بس كل الناس؟؟؟ و زعلانه بعد بدال اخوك خبزتك انتي بدال الكيكه ههههههه . . دوم الضحكه الحلوه يارب :81: |
تقييم طريف ضحكني :0741: . . كان عيالشش الآن مخترعين لنا ٲنمي جديد ينسينا نكد الدوامات .. بس ٳذا شفتي الياباني مره ثانيةهَ قولي له في وحده متقدمةهَ لك ع سنةهَ الله ورسوله . . اي من جد اتحسفت على ضياع الفرصة كان الحين ينادوني أم (美咲) (ميساكي) :MonTaseR_145: :MonTaseR_145: :MonTaseR_145: |
آحًدهًمٌ يِحًآولّ آهًدآئيِ آلّسعآدة... ولّآ يِعلّمٌ بـُ آنهً آجُمٌلّ هًدآيِآ آلّقدر :نبض: |
مرة وانا في ثالث ابتدائي... جت عندنا داعية تسوي محاضرة في المدرسة... جمعونا الطالبات وقعدت الداعية تتكلم عن يوم القيامة... ووصلت إلى لما نجري الى أرض المحشر وانه نقعد نجري سنوات إلى ان نوصل... رفعت اصبعي وقلت أستاذة سؤال... قالت الداعية تعالي يابنتي جنبي واسألي وارفعي صوتك يسمعونك زميلاتك... وانا بكل براءة الأطفال سألتها... إذا جرينا هذي المدة كلها كيف نأكل ونشرب واحنا نجري... هل نقدر نوقف ونأكل ونشرب؟ انصدمت الداعية في عيشتها وطالعتني بذهول... وشكلها تسبني في نفسها... وفجأة انفجرت بالضحك هي والمعلمات كلهم والطالبات... وانا مستغربة وش فيهم يضحكون... وبعد ما ضحكوا عليا وشبعوا ضحك حسبي الله ونعم الوكيل... قالت لي الداعية... يابنتي ماعد فيه أكل او شرب خلاص كل واحد يقول نفسي نفسي... قلت لها... طيب بنموت جوع وعطش... وقعدت تشرح لي وتفهمني وبعد جهد وإقناع... كأني اقتنعت بس مو مرة كنت مصرة اننا لو ما أكلنا بنموت جوع وعطش... مادري هل هي براءة الأطفال ام دلاخة البزران؟!!! |
هههههه اوووم الفشلة... بدل ما ارسل ذي :81: ارسلت ذا :MonTaseR_112: :MonTaseR_102: |
لما كنت اعيش في الرياض... رحت زيارة عند اختي المتزوجة في جدة... ويوم راحت مناسبة وخلت ولدها البلشه ابو خمس سنين عندي.... جاء وقت العشاء ومالي خلق اسوي شي... والبلشه اللي عندي جوعان... قلت له وش رأيك نطلب من المطعم احسن من أكلي؟ قال: احثن.... وش قصده النتفة ذا... المهم كبرت عقلي... وطلبت من احد المطاعم... وبعد نص ساعة اتصل مندوب التوصيل على جوالي... وطلع مصري قال: مساء الخير يافندم ممكن العنوان عشان اوصلك الطلب... قلت له: شارع.... ذكرت له الأسم... رد: ايوة فين حددي له قنب ايه... قلت له: مادري هي عمارة لونها ابيض على رمادي... قال: انتي بتهزري هحئد ادور عمارتكم باللون دا... انتم فين هل قنبكم حاقة معينة... قلت له: اي بقالة صغيرة يبيع فيها هندي... عصب وعلا صوته وقال: هندي ايه وبئالة ايه قيبي حاقه معروفة... قلت له: عندنا جارة مشهورة تبيع ورق عنب اسمها أم صالح... صرخ بقوة وهتف: أم صالح ايه وهباب ايه... يافندم حتدبسني بئيمة العشاء وادفعه انا من قيبي... قلت له: طيب فيه شجرة كبيرة حلوه تهـ قاطعني بصوت عالي: شقرة ايه دا قدة مليانه اشقار... اندهي راقل اكلمه... قلت له: مافيه الا انا وحمودي... قال: قيبي حمودي... رديت: صغير مايعرف يتكلم زين... جلس يحسب عليا ويدعي ويقول: لما انتي غبيه ماتعرفيش وين ساكنة بتطلبي ليه... قلت له: جوعانه ومالي خلق اسوي شي قال: ربنا يحئرك في قهنم ياشيخه قلت: افا واهون عليك ادخل جهنم... رجع يعلي صوته ويقول: ماتستعبطيش يابت حيدفعوني ايمة الوقبة يخرب بيتك قلت له: لحظة عندي فكرة خليك على الخط.. سمعته يسب ويتحلطم بصوت واطي ولا همني... قمت فتحت الشباك حق الصالة وشلت ولد اختي النتفة.. وقلت له حبيبي اقعد سوي بيدك باي باي تمام استسلم للأمر وجلس يلوح بيده ويقول باي باي.. رجعت للمندوب وقلت خلاص انا خليت ولد اختي في الشباك معلق... يقول باي باي انت لف الشوارع واذا شفت عمارة... فيها شباك عليها ولد معلق يقول باي باي بيده.. اوقف ودق علي هذي عمارتنا... سمعته بصوت منهار باكي يقول: خربتي بيتي حدفع ايمة الوقبة منك لله... وطاااخ سكر السماعة في وجهي.. تتوقعون ليش زعل؟! والمشكلة ماوصل الطلبية وانا جوعانه وش ذا المندوب مايصير!!! كنت بشتكيه لإدارة المطعم بس قلت حرام اقطع رزقه... |
تقييم . حبيبتي انتي قطعتي قلبه مو بس رزقه اه منك ضحكتيني ههههههه . دوم الضحكه الحلوه يارب |
وش في المنتدى معفوس؟! وصندوق المحادثات طاااار... وآخر المشاركات أختفت.... عندكم بعد ولا انا بس :MonTaseR_145: |
واللايكات اختفت ماقدر اعطي احد لايك :MonTaseR_145: |
فيه شي عجيب... انتم مثلي ولا انا فيني شي... لما ارفع أصبع رجلي الكبير... الأصابع الباقية... تنحني تحت... تتوقعون احترام له لأنه الكبير.... قاعدين تجربوا صح... ها قولوا لي مثلي انتم :x59: |
تقييم عجيب غريب :MonTaseR_112: . . جالسة تلعبين بأصابع رجولك ليه..؟ خبلة وإلا نونو .؟! . . المهم جربته صح وطلع كلامي صح ها :wild: |
تقييم عسل . . خليتني اجرب . . جربي تتعلمي من خبراتي :نبض: |
مكاني المفضل هو معكـ :نبض: |
مجنون هذا اللّي (يسمونہَ) القلب... يدوّر اللّي ” مستحيـل ” ويحبّـہَ |
ماعليك من أحد ، أنت بس خلّ ( كذبتك مرتّبة) ثم أنساها بمجرد ما تغيرون جلستكم ، وياليت تغير اللي كانوا معك في نفس الجلسة ، وأمورك في السليم.... . . زرفتها من حساب أحدهم :Silbando: |
تتوقعون فيه علاقة بين القدم والحلق :eiwp: لأني دهنت رجلي بفازلين قبل النوم :MonTaseR_31: صحيت وعندي إلتهاب في الحلق قوي :MonTaseR_145: |
مرة وانا صديقاتي اخذنا القهوة والشاي وتوابعهم... وطلعنا السطوح كان الجو روووعة... وفي نص الجلسة دخل علينا من بيت الجيران... كان باب بيننا وبينهم وشكلهم نسيوه مفتوح.... اول ما دخل صرخت وقلت وش ذا القليل الأدب... ويطالع ويقز ولا همه واحنا نطالعه وكل واحدة ميتة خوف... قلت: اطلع برا يا قليل الادب... وهو ماشي والمشكلة كبير لو صغير قلنا معليش... جاء علينا إلا وأم الجيران تجي بالعصا وتلحقه وتطرده وتخرجه من الباب... وهي تعتذر وتقول معليش دخل عندكم واحنا مشغولين... قلنا معليش بس بليز لا يكررها دخل علينا واحنا بنات لحالنا... . . . . . . . . . . قالت وهي تضحك وتقول هههه هذا ديك مو متربي... |
مشكلة عندي مناسبة بعد العصر ولازم انام واكون مصحصه بس مافيني نووووم وش اسوي :MonTaseR_145: |
* تقييم * كأ،ك مختفية اليوم .. يارب تكوني وأهل بيتك بخير وصحة وعافية... :81: . . الله يسلم كل من يسأل عني... الحمدلله بخير وقاعدة على قلوبكم.... بس كان عندي مناسبة وانشغلت فيها... |
* تقييم * الله يديم المناسبات والافراح ، حشيتك ترا . . . للي حشني يجي يعترف لي وش حش فيني الآن :MonTaseR_62: |
رسالة إليكم أحبتي قد لا اكون هنا مجددآ... إلى كل من أساءت إليه... ~ إلى كل من جرحته يوماً ما... ~ إلى كل من ظننت فيه سوءآ... ~ إلى كل من خذلته في شدته... ~ إلى كل من تجاهلته بقصد او دون قصد... ~ إلى كل من أسمعته كلمة جارحة... ~ إلى كل من زار مدونتي ولم ازور مدونته... ~ إلى كل من رد علي في مواضيعي ولم أرد عليه... ~ إلى كل من مازحته في قسم الألعاب وتضايق مني... ~ إلى كل من فهمته خطأ... ~ اقولكم جميعآ.... . . . اصبروا علي شوي توكم ما شفتوا شي مني... الجاي اكثر من هيك... وجالسة على قلوبكم اغثكم... على بالكم بترككم لاااااا ابد قاعدة لكم هنا... |
* تقييم * ضحكني حشششى وانا عبالي صرتي جنتلةهَ واثر انشش مَ تغيرتي يوييلي هههههه:Bromista: |
انا مصدومة كثيراً :MonTaseR_143: . . ما شاءالله تبارك الله أول مرة ازور مدونة جاري رايق وكأني دخلت مكتبة ثقافية متنوعة فيها من كل بستان زهرة... وش ذا الترتيب والمعلومات... يعني أول مدونة تمر علي بهذا الجمال والثقافة والفخامة... ...... بصراحة كرهت مدونتي بعد ما شفت مدونته... وبحذفها للأبد لأنها بعد مدونته تفشل :MonTaseR_145: |
التجاهل فن لا أتقنه... ولكن بدأت اتعلمه من غيري :SnipeR103: |
بقدر ما يكون وجود شخص ما سعادة لكـ... بقدر ما يكون غيابه صعبآ عليكـ... وبدونه تشعر بغربة وإفتقاد بلا حد... |
| الساعة الآن 10:23 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا