|
إضافة رد |
| LinkBack | أدوات الموضوع | انواع عرض الموضوع |
10-08-23, 09:07 PM | #1 | |||||||||||
من زمنٍ مضى
|
لا تظن .. حصرية للمسك
لا تظن انِّي أنا أكتب عشانك ما كتبته فيك لو يثمر جنيته إنما أكتب شواهد من زمانك ما طرى بالبال لاوراقي حكيته أنت ما تعرف تبادلني حنانك رغم كل اللي من احساسي خذيته والكلام العذب ما يعرف لسانك ما ألومك .. لو تملكته عطيته كلما كلمتني التعبير خانك وِانْ حاولت اتكحل المعنى عميته الذرابة تجهل بقوة مكانك والنذالة دربها السالك مشيته وجهك العابس يعبِّر عن جَنَانك تشمئز النفس لامني رأيته ضاق بك صدري .. تِشَبَّع من طِعَانك غير غدرك في حياتي وش لقيته ؟! لا تعذَّر لي ولا تصدر بيانك كل عذرٍ لك قبلته ما رعيته راجع الماضي وعاود اتزانك لَاْجلك أنته والّا أنا الماضي نسيته ماني بنادم على طعنة سِنانك كل طعنة رمح درس أنا وعيته أنتهي من وقتي المقبل أوانك كل شيٍ فيك يربطني رميته لجرير | |||||||||||
|
10-08-23, 09:16 PM | #2 | ||||||||||||
|
قصيدة جميلة جدا على الرغم مما يغلفها من حزن دفين... ستظل المعاني هنا الأجمل جميلة بصدقها وقوتها سبك واحتراف وإتقان أخي الشاعر جرير أجدت فأبدعت تختم مع التقييم 3 أيام | ||||||||||||
|
10-08-23, 09:53 PM | #3 | |||||||||||||||
|
الله عليك يا جرير أبيات جميلة ومعبرة رغم مافيها من تجربة مؤلمة صح لسانك أبدعت جدا كعادتك كل الشكر والتقدير | |||||||||||||||
|
10-08-23, 10:04 PM | #4 | ||||||||||||||
| كل بيت قريته حسيت بمعناه الم مغلف على شكل قصيدة نازفه الله عليك ياجرير صح لسانك واعتلا شانك شاعر العرب | ||||||||||||||
|
10-08-23, 10:53 PM | #5 | ||||||||||||||
|
احست وابدعت شعرا ومعنى كلمات جدا رائعه يعطيك العافيه ولك سلامي | ||||||||||||||
|
10-08-23, 10:54 PM | #6 | ||||||||||||||
تاج النساء
|
كل ماقدر اقوله صح الله لسانك استمتعت بكل بيـت أنا قريتـــه ليته يطول عمرك ويعتلي شانك ويحقــق لك ربي كل ما تمـنيته بايـنه الجزالـه في قـوة بيـانك وفكل سطر بعذب الكلم بنـيته الشاعر الأنيق العذب جرير صح لسانك ملايين وعدهم صح كلك لك ودي واحترامي | ||||||||||||||
|
إضافة رد |
مواقع النشر (المفضلة) |
| |
| أصدقاء منتدى مسك الغلا | | |||||