مساعده لا هنتو
 

انا حلمي ابدأ أتعلم السواقة لكن عندي خوف وعدم ثقة في نفسي وكسل بنفس الوقت لانها خطوه كبيره راح يعتمدون علي ان لازم ادل كل الأماكن القريبه والبعيده وعندي خوف كيف اصير جريئه وما اخاف من الشاحنات والسيارات وكيف اتقبل ان شرطي جنبي في تقديم الترايات اريد اكون جريئه وواثقة وماواثقه اذا الاهل بيوافقون اتعلم او لا لان ماعندهم فلوس تكفي لسيارة بس انا اريد اتعلم

الجانب الاخر عندي اهتمام بمهنة التدريس اريد تكون عندي ثقة بنفس علشان ادرس الطلاب ماعندي ثقه ان ادرس طلاب امام الموجهه التي تجي تقيم المعلمه وايضا ماعندي طرق التدريس والابداعات الي ايسوونها بالتدريس حتى مو واثقه من شكلي لان شكلي اصغر من عمري وانحف وقصيره لذلك بيحسبوني لازال طالبه لذلك ممكن تروح هيبتي

خليك عديمة ثقه كما عشتي وتربيتي منذ صغرك أفضل لك لأننا صرنا في زمن غير بخير

لأنك لو تعلمتي غداً القياده ستنجبرين تشترين سياره
وإذا أصبحت السياره تحت تصرفك ستطلبين أو تسعين لوظيفه
وشويه شويه إلا وأنتي تطلعين من البيت على هواك مثلك مثل الرجل تماماً
تدخلين وتخرجين وتتسكعين في الشوارع والأسواق وتسهرين مع من تشائين وتعودين أنصاف الليالي بمزاجك ، بالأضافه لن يعتقوك أو يرحموك الغرباء من ضعفاء النفوس .

وهذا الأمر يرفضه الشرع الإسلامي رفض قاطع بالأدله والأحاديث وقد بين بأنها (( خطوات الشيطان )) .

لذلك نصيحتي أبقي أنثى بفطرتها قبل أن تكوني من ضمن بنات الشوارع والمطارات اللواتي يسرحن ويمرحن بدون محرم .

واجهي نفسك وتكلمي معاها قوي نفسك بنفسك
محد يقدر يساعدك اذا الشي ماكان بإرادة شاملة منك .
والله يوفقك ويحقق أمنياتك

أهم شي استخيري قبل ما تسوين أي شي
ما تدرين وين الخير

و بعدين لو مشت الأمور خلاص مع المحاولات بتتعودين
وإذا ما مشت شوفي شي ثاني

أنا من الناس اللي ما مشى معاي موضوع السواقة
رغم أني تعلمت بس وقت الإختبار كل شي يطير من راسي من التوتر والربكة
وأنسى كل اللي تعلمته وألخبط وسحبت ع الاختبارات وما كملت
وبعدين لما حاولت أسجل مرة ثانية ما ضبط
ما كان يوصلني المسج عشان أقدر أسجل بالموقع
وطنشت الموضوع

بس في ناس عادي تعلموا وخذوا الليسن


ف ما أدري أنتِ استخيري وشوفي شنو يصير

و ترا الثقة تجي من التجربة والمحاولات والتكرار وهكذا ..

ماعليك انتي تعلمي السواقه على خفيف
ولا نزلتي تسوقين لاتشيلين هم
احنا اللي ننتبه
ف من الناحية هذي ماعليك خوف

لكن اغلب مشكلة الحريم بالسواقة
انها اذا جات تبي توقف عند محل
تدعس بنزين بدل الفرامل
هذي مشكلتك
اما خوفك تنزلين تسوقين وسط الشوارع هذي مشكلتنا وجالسين ننتبه وبقوه

عن تجربتي في القيادة
تعلمت في البداية دراجة الهوائية حتى اصبحت
ماهراً بها .. بعدها كنت اجلس في مقاعد الامامية
واتابع السواق كيف يسوقون خصوصاً سيارات
گير عادي .. وكنت اجلس في البيت واخطط وارتب
كيف اطلع من هذا الشارع وادخل في شارع كذا
تعلمت القيادة بعد مدة قصيرة وحصلت على رخصة
وبعد سنوات احترفت فن قيادة وذلك لانني كنت العب
سباق سيارات كثيراً لدرجة كنت اطبق نفس المسارات
في الشوارع … الحمد لله

ولكن لا اشجع النساء على قيادة السيارات ابداً