ودي أنسى كل ما لِك من معزَّة
وابتدي مَعْ خاطري صفحة جديدة


أنتِ كل اللي تبينه شخص رزَّة
وانا أبغى عيشتي عيشة سعيدة


ما أقول إني عن الغلطة منزَّه
لكن أنتِ في الخطأ عملة فريدة


ممكن الغلطان شيطانه يوزَّه
ثم يندم بعدها ويسير سيدة


إلا أنتِ للخطا تفزين فزَّة
وتحلفين إن غلطتك كانت مفيدة


كل أحوالك حقيقة مستفزَّة
وفوق هذا كله إنسانة عنيدة


عابسة في كل وقت وكل حزَّة
ما عرفتِ من الحياة إلا المكيدة


الشعر منكوش والنظرات خزَّة
كنها شيطان يلحق له طريدة


صوتها أقرب شي له صوت الإوزَّة
كنها بطريق يمشي في جليده


رايها أضعف ريح مرت به تهزه
مهما تفعل ما وصلت اللي تريده


النكد من صغرها كانت تعزَّه
والفرح نحوه مشاعرها بليدة


يا فؤادي ما لنا في القُرب عِزَّة
خلنا نبعد عن الناس البعيدة




لجرير