|
ماهي متطلبات الزوج الخليجي من الزوجة الخليجية والعكس يسعدلي اوقاتكم حبايب قلبي بصراحة اول مره احط موضوع بقسم المناقشة والحوار سؤالي هنا واضح قبل فترة كنت اقرا في موضوع لعضو هنا وطبعا حددالزوجات الخليجيات يقول انها ما تلبس وانها تجلس وريحتها بصل ووشعرها منكوش طبعا انا اعترضت على هالمقولة لكن للاسف ما رد على اعتراضي انا بقول الزوجة اي كان جنسيتها هي انثى فطرتها على النظافة والجمال وطبعا هيا كلها نعومه انت بس اعطيها حقها من الدلال والحنيه وشوف كيف بتصير سؤالي هنا ماهي متطلبات الزوج من الزوجة ؟ وما هي متطلبات الزوجة من الزوج ؟ عشان تكون حياتهم سعيدة ومتكاملة لا هو يشعر بالنقص او الحرمان ولا هي كذلك |
طبعا انا اتكلم عن بنات جنسي واقول مافيها شي لو الزوج غمر زوجته بالحنان بالحب مثلا ايش يصير لو جا حضنها فجأة بدون مناسبة وقلها احبك انتي راس مالي وام عيالي والله لا ينقلب يومه وراح يشوف شي ماقد شافه انا متأكده انها راح تقلب البيت من الطاقة الايجابية اللي اكتسبتها اخي الزوج مافيها شي انك تصارح زوجتك بالشي اللي مو عاجبك بزوجتك وتطلب منها انها تغيره عشانك طبعا تقوله بطريقة حلوه مثلا تشتري لها فستان وتقولها راح يطلع تحفة عليكي وديها صالون وقولها اصبغي شعرك سوي بودي كير نفسي اشوفك كدا وبس يا سي السيد صدقني راح يتبدل حالها وراحً تشوفها احلى نساء العالم |
الله يسعد أوقاتك واوقات كل وحده شعرها منكوش وريحتها بصل على قول العضو مو على قولتي :MonTaseR_26: بالنسبة للتعميم هذا تعميم خاطئ الآن اصبحت النساء توصل لعمر الخمسه والخمسين شوية ابرتين مدري وشهي ترجع عشرين سنة ورى لكن معاملة الرجل تنعكس على مظهر المرأة بالنسبة لمتطلبات الرجل من المرأة هذي شوي صعبة لأن الرجال اشكال والوان في منهم النقاق ومنهم المتطلب ومنهم من تهمه تفاصيل الجمال اهم من الروح وفيه منهم من تهمه تفاصيل الروح لكل منهم متطلبات على حسب شكله ولونه لكن بالنهاية البيوت تقام على الحب والإحترام حب بدون احترام نتاجها بيوت وأشخاص تحتظر كل الشكل لك |
اقتباس:
وترى الزوجة تزهر مع الزوج اللي يهتم فيها وتذبل مع اللي يهملها ويتجاهلها تحياتي وودي |
وانا اعترض و بشده اصلا اقوي مبيعات عندنا في المملكه مبيعات العطور وماشاء الله اشوف زميلاتي في العمل ماشاء الله كل وحده ريحة عطرها احلى من الثانيه المراءه بالفطره ايش ما كان جنسها حتي لو ما كان عندها فلوس تحب النظافه والريحه الحلو ونكتسبها من امهاتنا و اخواتنا الكبار وتصرفاتهم بالنسبه ل سؤالك سؤالي هنا ماهي متطلبات الزوج من الزوجة ؟ وما هي متطلبات الزوجة من الزوج ؟ اشوف اول شي مخافة الله في السر والعلن هو اللبنه الاساسيه لنجاح اي زواج والمتطلبات احسها مشتركه من الطرفين ان كل واحد يفهم الثاني و يتقبلو بخيره و يصبر علي سلبياته اللي ممكن الراحد يتحملها و يحاولو يغيرو في بعض ب غباء تكون في شوية مساحة حريه الطرفين علشان ما تقلب حياتهم نكد وعكنانه علي توافه وما احد فيهم يقارن شريك حياته ب امثله خارجيه لان البيوت اسرار والظاهر لنا مو دليل علي السعاده ويرضا ب نصيبه طالما في محبه وموده واحترام بينهم فهم شي اسمه لغات الحب الناس مو زي بعض فلازم افهم و استوعب مع العشره ايش لغة الحب اللي يفضلها زوجي لازوجي مو شبه زوج صحبتي ولا زوج اختي والعكس صحيح انا لي لغة حب خاصه فيا يفترض زوجي مع العشره يفهمها الشكر والمدح والاحتواء البساطه وعدم التكلف من الطرفين الاهتمام بالنفس بالشكل بالوزن ب تناسق الجسم مو الزوجه غزال والزوج كرشه مترين و لا الزوج رياضي و مرته سمينه وماخذها راحتها بالاكل وقلة الحركه و طبعا الملبس النظيف المرتب الانيق مو لازم غالي المهم يسر النظر معليش كتبت مشاركتي بدون ترتيب وعلي عجله |
اقتباس:
هذا بس عند زميلاتها وفي المناسبات وفي الزيارات ....أما عند زوجها في البيت مفيش لا عطور ولا غيره ....بحجة انها في البيت مشغولة ما بين الطبخ والتنظيف والعيال ومدري إيش... بمعنى آخر : فقط اهتمامها بنفسها للناس اللي برا ... ( صديقاتها وزميلاتها وضيوفها وغيره..) ....أما الزوج بدون نفس لما تهتم بنفسها قدامه... خلاصة كلامي : الأشياء اللي عليها القيمة ...الزوجة تاركتها للمناسبات والزيارات ولزميلاتها في العمل ....اما الزوج ماله إلا بخة بسيطة من العطر وقت العلاقة ...وشوية حمرة على براطمها تسكيتة له ... الكثير من الرجال متزوج وكأنه مش متزوج .....يعني بالاسم انه متزوج .... عايش كأنه عزوبي ....فقط زادت عليه المسؤولية على الفاضي ... مافيه زي المصريات ...تشيل كل ما يتعلق بالبيت مع العيال وغيره ....يعني فعلًا تحس انك متزوج ست بيت بحق وحقيقي .... .. |
| الساعة الآن 11:11 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا