|
الــــغــربـــــــــــة مدخل: أبيات تائهة ومبعثرة مشتتة لا يجمعها إلا أمر واحد.....غربة طال السفر لين ضيعت العناويني وان ضاق صدري من الغربة تمنيتك إشتقت لك حيل ياسيد المزاييني خذاني الشوق وداني على بيتك الليل ما باته ولا غمضت عيني أخاوي الليل من وجدي وخاويتك في ذمتي يابعد روحي وحشتيني غصبٍ علي ماهو بكيفي انا جيتك مقدر انا انساك كيف انساك يا عيني مامر ساعة ولا لحظة تناسيتك حبك مع الدم يسري في الشراييني السالفة ماهي اني بس حبيتك حبك عن الزين والحلوات معميني ماشوف غيرك ولا صدقت لاقيتك تدرين لا زاد همي وش يسليني بس أتذكر سوالفك وتناهيتك أغمض عيوني أتخيلك في يديني وأدخل معك جو رومانسي وضميتك كل العذارى يخالط زينهم شيني الا أنتِ لو قلت حلوة بس.....ذميتك!!! أنت كمال الحسن والملح والزيني خلقك وأخلاقك وذوقك وإتيكيتك يا بعد كل البشر الأقصى والأدنيني من جمعة الناس انا راضي بتشتيتك يا أحلى قصيدة عشق وأغلى دواويني ماأغني البيت وافي لين غنيتك يفداك قلبي ونبضه والشراييني ولوعندي أغلى من الخفاق فديتك والسالفة بإختصار إنك وحشتيني وخذاني الشوق وداني على بيتك مخرج:غربة في غربة في غربة قلم بو نورة |
الغربه مره نسال الله ان يخفف عن كل من يعاني مشاعر جدا راقيه واحساس مرهف يعطيك العافيه تقبل سلامي |
كل العذارى يخالط زينهم شيني الا أنتِ لو قلت حلوة بس.....ذميتك!!! أنت كمال الحسن والملح والزيني خلقك وأخلاقك وذوقك وإتيكيتك يا بعد كل البشر الأقصى والأدنيني من جمعة الناس انا راضي بتشتيتك يا أحلى قصيدة عشق وأغلى دواويني ماأغني البيت وافي لين غنيتك الله الله يابونوره رفقا رفقا بالقوارير رفقا بالقلوب الخضر رفقا مولاي رفقا اني اتنفس عشقا ابدعت ابدعت وربي ابدعت وامتعت صح صح لسانك ملايين واضعافهم صح كلك ماننحرم من الاحساس العذب ودي واحترامي |
الله يا ابو نوره على هالابداع صح لسااانك ياغالي ابدعت لله درك بوركت وبورك حرفك يختم ل3 ايام مع التقييم |
السلام عليكم ورحمة الله وبركاته شاعرنا الرائع بو نورة .. أبيات جميلة جدا جدا جدا أستمتعت في كل بيت وكل شطر وكل كلمة أبداع لا متناهي يزداد تدريجيا مع كل شطر حتى تمنيت أن لا تنتهي المعزوفة كل العذارى يخالط زينهم شيني الا أنتِ لو قلت حلوة بس.....ذميتك!!! تعبير في قمة الجمال وقمة الرومنسية وقمة القمة .. أستمتع جدا مع جمال بوحك وترويضك للمعاني بهذا الشكل الفخم صح لسانك .. وألف شكر على أمتاعي بهذا النص المبهر الغربة أبداع أبداع لا تحرمنا من جديدك بو محمد |
الله الله على احساسك ياقمة الذوق ابدعت ايه الشاعر المخضرم الممتع المميز الانيق دمت وطابة ايامك وتحيه محمله بخمائل الورد العطر |
| الساعة الآن 03:22 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا