امشى على رمشي واسكنـي عينـي
افرش لك الجفن واغطيك باهدابـي

والا تعالي واسكني فـي شرايينـي
وشوفي حبك داخلي وش سـوا بـي

غير احلامي واوهامي وكل مافينـي
حتى انا ما اعرفني ولاادري وش اسبابي

كني مخلوق جديد في خلقي وتكويني
حتى عدوي صار من جملة اصحابي

هيه.. ياللي مبطي بالغلا سكنتينـي
شوفي كم هو غلاك واحسبي حسابي

اما اجيك كلي.. والا كلك.. تجينـي
ماتفرق جيتك لي والالـك ذهابـي

يابسمة شفاه اموت فيهـا وتحيينـي
يانظرة عيون فيهـا سـر اعجابـي

ياصمت الكلام اللي بالكلام يغرينـي
ياهمسة غرام تلين قاسـي عتابـي

امنتك على عمري وباقـي سنينـي
من لي انا غيرك ياصفـوة احبابـي

الله اكبر لامن زعلتـي وهجرتينـي
اهجر انا الدنيا واسكر علـي بابـي

وارسـم صورتـك.. قـدام عينـي
بروازها مابيـن جفنـي واهدابـي


محمد عبد العزيز