تذكرت واْلذكرى لها في الخفوق رْماح
لَاْ قَادر أَعيش اِبْهَا ولا اْقدر أَنَزِّلها


ترجّعني الذكرى لأجمل زمانٍ راح
وتبدا تفاصيل الحكاية مِنَ اوَّلها


تِقَلِّب على قلبي من الراحلين جْراح
بمن كانت الدنيا بهم تعطي أجملها


رحيلك عن الدنيا طعني بدون سلاح
مضى عام والفكرة عجزت آتقبّلها


يقول المواسي إنك برحلتك مرتاح
أنا أدري ولكن غيبتك مآ اتحمَّلها


حبيبي بعد عينك أشوف العباد أشباح
وجلساتهم صارت على النفس ما اثقلها


تصدق غلا الدنيا من العين بعدك طاح
حياتي بدونك مستحيل آتخيلها


لا في النوم قابلتك ولا بعالم الأرواح
مَعَ انِّي قبل ما انام صُورَتْك أَقبِّلها


حبيبك بعد عينك من الحزن سده باح
ليالي غيابك قاسية حيل مَاْ اطولها


يقولون لي إنسى وَاْنَا لَا ذكرت ارتاح
أبي عشرتي وَيَّاك تنعاد بَاْكملها



سُهيل