ليت الغزل يرمي غزال ... الطبيعة
والله لاخلي الهوى سنة ..... ودين
لكن غزالي ما يرود ....... الشريعة
حيث الجوازي ميهن ... بالشرايين
واللي نريده بالهوى ..... ما يطيعه
دايم عصي بالمواصل .... ولا يلين
ذكرت له كيف الهوى ..... والوليعة
نار الهوى تاكل قلوب ..... المحبين
قالت علامك مانتم عندي .. وديعة
الله وديعك دور مثلك ... مساكين
حنا خشنين ولا نهاب ..... الخريعة
واللي شرواكم ينسدح ... للمزايين
الله وكيلك ذبحتي ..... لك سريعة
غادر مجالي قبل اجيب السكاكين
عزي الحالي دام علومك ... شنيعة
الله كريم وينتصر ....... للمساكين
سبحان رب زينك ........ يالبديعة
خلقك لطيف وكلمتك تذبحن زين
شبه الغزال اللي تحدر ....... بريعه
ريمية تذبح شجاع ..... الشجيعين
الله على عمري حياته ..... خديعة
عمري غدا لعبات لمغيزل .... العين
ضاع الخريف وضاع مثله . ربيعه
وانا انتظر ما شفت يالمترفة شين

القارظ العنزي