|
حالة نادرة ..؟ السلام عليكم فكرة الموضوع جت على بالي من كتاب "حالات نادرة " وكتاب " حدث بالفعل " كل الكتابين فيهم قصص حدثت بالحقيقة وكانت غريبة ونادرة المهم اذكروا لنا قصة لـ حالة نادرة حدثت معكم شخصياً وحسيتوا أنها غريبة أو ما لقيتوا لها تفسير ملاحظة : مسموح بكتابة أكثر من قصة :MonTaseR_169: |
فكرة رائعة جداً عجبتني لي عودة بقصص إن شاءالله كل الشكر والتقدير لموضوعك الحماس :0741: |
الله حبيت الموضوع:Dl3: لو انه ذاكرتي تسعفني حاليا كان سدحت كم قصة :icon10: بس باحط لي كرسي هنا معك واتابع بعمق :icon10: سلمتِ من كل سوء :ورده: |
اقتباس:
اقتباس:
وحياكِ سواء متابعة ولا مشاركة منورة بكل الحالات :MonTaseR_2: |
أنا ببدأ بأول قصة ل حالة نادرة عشان تتحمسون هذي القصة صارت في بيتنا في يوم من الأيام كنت أمشي في البيت كالعادة ولفت انتباهي العدد الكبير للنمل ولما قربت منهم شفت زيادة وكان الممر اللي ورا البيت كله نمل والنمل اللي حجمه كبير مو الصغير استغربت من عددهم الكبير وأول مرة بحياتي أشوف مثل كذا اليوم الثاني رجعت لنفس المكان وشفت النمل كلهم أموات ومقطعين إلى أشلاء مدري شنو صار ! قلت يمكن حرب بس لو إنها حرب راح يكون في أحياء و أموات بس كانوا كلهم جثث مقطعة تعجبت من المنظر وقلت شنو راح يصير الحين بكل هالجثث ! اليوم الثالث لما رجعت ل نفس المكان شفت كل النمل اختفى وكأن ما كان لهم وجود ! وقلت سبحان الله وين اختفوا ..؟ ولين اليوم ما فهمت شنو صار وشنو قصة هالنمل ! |
' وعليكم السلام فكرة جديده ومُلفته .. الي حدث معاي جداً غريب وماعرف الى الان تفسيره صراحةً جدتي ام ابوي الله يرحمها .. مرت بفترة تعب غريبه وصارت ماتاكل ابد حتى الاطباء ماعرفوا لها .. لدرجة يدخلون اللي بحلقها حتى يعملون منظار لكن اليّ كان يوقف مايدخل .. المهم دخلت المستشفى لمدة قرابة شهر وطلعت لما طلعت جيت اسلم عليها وجات عيني بعينها جسمي كله انتفض لان عيونها مو عيون جدتي وكانها مو هي وجاني إلهام من داخلي جدتي بعد شهر بتموت وفعلاً بعد شهر ماتت وطوال هالشهر كنت اشوفها من بعيد لان اذا قربت منها شي من داخلي يبعدني والموقف الثاني عم ابوي الله يرحمه قبل يتوفى كان بعافيته مافيه شي وقبل وفاته ب اسبوع كنا مجتمعين مع بعض وكان موجود وهالشخص احبه ويفز لي اذا شافني وكان واقف يلبس جزماته وانا اتمعن فيه جاني الهام يقول ترا قريب بيروح وكاني ارد ع الالهام هذا لا كيف يروح بنفقده كلنا وصباحية ليلة وفاته والله كنت فاتحه ع صورته بجوالي واطالع فيها واقول لا ماراح يروح وبالليل فجاة توفى وهو جالس بين اهله هالامر جداً غريب ومتعب تفكيري بعدين تعوذت من ابليس. :) لك .. :رحيق: |
| الساعة الآن 12:21 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا