هل يعقل أن زواجاتنا صارت بوفيه مفتوح بدل الذبائح ؟ عسى الله يجيب الخير
 

هل يعقل أن زواجاتنا صارت بوفيه مفتوح بدل الذبائح ؟ عسى الله يجيب الخير

وين المشكلة بالضبط
بعض الناس ماياكلون اللحم يقولك عشان الكورستيرول مرتفع
وبعضهم مايفضل ياكل اللحم
بدال لاتقعد الذبايح والرز بدون ماتناكل
بوفيه مفتوح اصرّف كل واحد ياخذ من اللي يبي
بعدين البوفيه في زواجات النساء فقط
والرجال زي العادة ذبايح ..
الاكل يناكل والكل سعيد ومبسوط
لاهي نفسك بهالمشكلة تالي الليل ؟

من رأيي المبني من إطلاعي الشخصي على مناسبات من هم حولي
لاحظت بأن نظام البوفيه المفتوح لا يعتمده إلا ذواتي الدخل المحدود لأنه أوفر لهم من الذبائح
وخصوصاً بعد أن وصلت سعر الذبيحه الواحده لحدود ٢٠٠٠ ريال وربما أكثر

تخيل معي ١٠ ذبايح هبره تكلف تقريياً ٢٠ ألف ريال بدون الذبح والسلخ والطبخ والتقديم
والله أعلم تكفي أو ماتكفي من ٥٠ إلى ١٠٠ شخص
عاد إذا ماكفت أخذت في وجهك العيب والمنقود لان معاد يمديك تروح تذبح وتطبخ مره ثانيه

أما البوفي المفتوح هي بنظام التعاقد مع مطعم أو مطبخ متخصص
وتكون محسوبه بالنفر على حسب ماهو مرغوب ومتوقع
كل مافي الأمر حدد لهم عدد الحظور ونوع الصنف وأدفع لهم المبلغ المتفق عليه وهم سيتولون كل شيء

مثلاً : إذا طلبتهم يعملون أصناف مختلفه لعدد ٥٠ إلى ١٠٠ نفر لن يكلفك أكثر من ٢٠٠٠ إلى ٥ ألف ريال كحد أدنى أو ١٠ ألف ريال كحد أعلى ، وسواء الكميه نقصت تظل قابله لزياده وإذا زادت تضل قابله للإستعاده لأنه محل مخصص لمثل هذي المناسبات بإشراف ومتابعة المحل نفسه

وحتى لو نقص الاكل بإمكاني أطلع أي مطعم في الشارع أجيب لهم الزياده الكافيه بدون أن أشيل العيب أو المنقود .

عموماً أنا أفضل المناسبات اللي اروح لها يكون فيها شحم ولحم وضربة خمس تدسم الشوارب
أما في مناسباتي الشخصيه اللي يجون الناس عشانها أفضل أعمل لهم بوفيه مفتوح ويخبون
وبكذا أكون أكلت اللي نفسي فيه في مناسباتهم ووفرت على نفسي في مناسباتي
مين اللي منكم مثلي ؟ ههههههههههههه

ماعرفنا انت مع ولا ضد



أنا برأيي


ان الانسان لماتجيه دعوة ويلبيها ماله حق ينتقد وليه وما ليه وموضوع الاكل الكل شبعان الان كلكم اللي تشوفون هالموضوع تحاولون تعملون دايت :nosweat:

من زيادة وزنكم

تبي تاكل ذبايح اشتري واطبخ لنفسك


اما انني اروح بدعوة واتشرط مالي حق انا رايح اهني وابارك ولا رايح جوعان وادور اكل ؟




الخلاصة اعرف اننا كمجتمعات نحب الشي الافظل والراهي والكل لو عنده اكييد ما راح يسوي الا الشي الكثير

لكن اعذروا الناس ماتعرفون ضروفهم يعني ياخذ قرض ولا ديون عشان وجبة عشاء تاكلها بنص ساعة ويبقى هو يسدد لسنة

حتى أنا ما فهمت
يعني أنت تبي الذبايح ومو عاجبك البوفيه ؟
ولا العكس ؟

أنا ما تفرق عندي بوفيه ولا ذبايح كله أكل

أهم شي نشاركهم في المناسبة

و أشوف الناس أكثر شي تعودوا على البوفيه
بالذات النساء

عكس الرجال يمكن يفضلون الذبايح أكثر

..








في مناسبات النساء وحسب ما شفت

عندنا يجيبون الاثنين ذبايح وبوفيه

يسحبون على الذبايح وياكلون البوفيه

يعني الذبايح لازم يشوفون لها حل :MonTaseR_54:

وفيه اللي يسوون بوفيه ويحطون ذبايح بس كميه أقل بكثير

واشوفه هذا الأفضل عشان حرام بعدين ما يزيد الأكل

بعدين صح ليش مشغل نفسك بهالموضوع؟

كل شخص واللي يريحه الناس أحرار في انفسهم وفي مناسباتهم






..