مديرنا وش رايك في هذا التصرف لكن اتمنى الرد توضيحي وليس قوي
 

عندي خوالي

إذا حطينا الاكل في المناسبات

إذا انا وقفت اكل هم يوقفون


لدرجه ان واحد مره كنت بقوم

يقول كيف بطنك اكبر من بطني

وانا الى الان ماشبعت اجلس معي لين اخلص


طيب انا مالي دخل فيك ليه معطيني الاهميه هذي


ليه تحطني انا امامك مثال بعدين ليه

انا اذا وقفت اكل انتم توقفون

وتحطون افتراضات مثل هذي



الثاني اخوي الصغير



يجي عندنا واذا جلست احيانا

ياكل لقمتين وفز من الصحن

تقول ملسوع




والله يا مديرنا أن مافيها فعل طيب


ماسويته لهم هم وأخوي الصغير


ليه المعامله هذي الغريبه


الي يوم اكون مو موجود مايسونها

الحركه الأولى هي دلاله على إحترام الضيف للمعزب وإحترام المعزب لضيف
وهي الأقرب إلى أن تكون آتكيت لدى بعض القبائل السعوديه والعربيه في مناسباتهم
وقد سبق مرت علي وشاهدتها بكثره في بعض مناسبات القبليه ( بدون ذكر أسماء قبائل )

ولكن أزيدك من الشعر بيت بعضهم لا يقوم من السفره حتى لو شبع إلا بعد أن يشيع ويقوم الضيف الرئيسي أو المعزب

أنا لا أعلم ماهي الأسباب او كيف إنبنت هذي العاده
ولكني أتوقع بأنه من العيب والمنقود أن يكون حظوري أو تلبيتي لدعوه للأكل فقط
ثم أقوم من السفره أولاً وأذهب لمغسلة اليد ثم الجلوس في المجلس بدون المضيف أو المعزب
لأن الطريقتين فيها نوع من الوقاحه حظور للأكل وتصكع في البيت من صالة الأكل إلى صالة المغسله ثم إلى المجلس في غياب المضيف .

وكذلك من العيب والمنقود على الضيف يترك المعزب يخدم ضيوفه على السفره بدون أن يشاركهم الأكل

أما بخصوص أخوك
أنا لا أعلم كم عمرك وكم عمر أخوك أو كيف هي حياتكم مع بعض حتى أحكم على الأسباب
لأن هناك أسباب كثيره ربما أهمها :
يمكن أكل أخوك قليل في العاده أو يمكن أخوك إنسان خجول أو يمكن بينك وبينه شيء أو لا يستهويه نوع الأكل اللي قدمته له أو ربما يكون شبعان .

ذكرتني بقصة ورطه عفويه مخجله

هذا شخص الله يسلمك ضاف صديقه في بيته في أحد العصريات ليتقهوى معه ويأخذ أخباره
وبينما كانو جالسين في المجلس يسولفون ويتقهوون كان معهم طفل عمره ٣ سنوات ( إبن للمعزب ) جالس يلعب

وفجئة إتصلت زوجة المعزب بزوجها تطلب منه مقاضي من السوبر ماركت
فقال الزوج لضيف : ( تقهوى وأنا بنزل البقاله آخذ مقاضي وبرجع ماراح آتأخر )
في بادئ الأمر رفض الضيف يجلس بدون المعزب في البيت حياءً منه ولكن بعد إلحاح جلس لقرب السوبر ماركت من البيت وأنه لن يتأخر أكثر من خمس دقائق

وفعلاً طلع المعزب لسوبر ماركت وضل الضيف في المجلس يلعب مع الطفل الصغير
وكان الطفل تاره يلعب مع الضيف وتارة أخرى يدخل عند أمه
وفي أحد دخلات الطفل عند أمه وجد مجموعة ملابس داخليه لأمه وأخذها بيده من داعي خلسة براءه أطفال ، ودخل بها معه للمجلس عند الضيف ، وكان من ضمن هذي الملابس السروال الداخلي لزوجة أب الطفل اللي هو المعزب

ولما دخل الطفل عند الضيف أسقط السروال من يده داخل المجلس وعاد لأمه مسرعاً في وقت تزامن فيه عودة المعزب من السوبر ماركت

أول ماشاهد الضيف سروال زوجة المعزب معه في نفس المجلس إنجن جنونه ولسان حاله يقول :
كيف لي أتصرف الآن لو دخل صديقي لمجلسه وشاهد سروال زوجته مرمي بجانبي ؟؟!
هل سيقتنع بأن الطفل هو من آتى به أم سيتهمنا بأننا فعلنا شيئاً أنا وزوجته في غيابه ؟!

ولكن بدون تردد قام الضيف من مكانه وآتجه لسروال وأخذه وخباه في جيبه قبل أن يدخل عليه المعزب ويشاهده ، وكان في وضع مربوك حياءً كأنه فعل جريمه لا تغتفر

وبمجرد دخول المعزب لم يمضي الضيف طويلاً إلا إستأذن بالرحيل ورحل بعد موقف محرج لا يحسد عليه كاد أن يهلكه ويهلك أسره بأكملها

عموماً لو كنت بدال هذا الضيف ماذا عليك أن تفعل في مثل هذا الموقف ؟
وهل ترى بأن تصرف هذا الضيف تصرف صحيح وخصوصاً عندما أخذ السروال معه وخرج من البيت ؟

فالأولى واضح انك تركته لحاله اتوقع
والمفروض من الأدب اذا شفت واحد معك على الصحن باقي يأكل وانت شبعت
تتظاهر بالأكل لين تشوفه شبع ووقف اكل

لأن لو تركته لحاله عيب واكيد بيقوم لو هو باقي ماشبع

اذكر مره رحنا لعشاء وخويي عازم ضيف
وجالسين ننتظر الضيف يقوم
قام صاحب خويي وقال اكرمكم الله

طرده خويي من البيت خلاه يغسل يده برى البيت

بالنسبة لأخوك امكن عندكم نظام آخر واحد يشيل السفرة
والله مدري لكن انت ادرى بأخوك

من أعتقادي صعفق جابها لك بطريقه أوضح من طريقتي

..






الموقف الأول مثل عندنا

اذا عندنا ضيوف في عزيمه ما نقوم لين يقومون

لأن لو قمنا احنا خلاص راح يقومون من عشاهم

والواجب لما تاكل ومعك شخص تجلس معه لين يخلص

اما اخوك راجع نفسك وش بينك وبينه







..