ما لامني في حبها غير الغبي
من لامني في حبها ماهو تمام

قلبي يَبِيها .. أنت قلْ لِي وش تبي
ما لك وما لي .. في الهوى هايم هيام

إن كان ما تدري .. تراها مطلبي
أنا انتظرها لي |مدري| كم عام

خلوني آخذ من هواها مأربي
عاشق أنا ماني مدوِّر للخصام

يا ناس خلّوني معَ ذاك الظبي
يا حبكم والله لِتَكْثير الكلام

ما هي محبة لومكم زاد اِتْعَبي
وَاْنا أساساً أكره اسلوب الملام

أدري حسدكم خلف لومي مختبي
تبون أصدِّق إن هذا اهتمام ؟ّ!

أحبها والحب سابيني سبي
وهي تبادلني ترى نفس الغرام

حبيبتي قولي لحاسدنا يهبي
هيَّا تقلع قوم فارق باحترام



سُهيل