‏
*











أنا الشعر والقصيد اللي يقولونه
و إنتي معي يا غناتي كل جماهيري


يا جعلهم فدوة إحساسي مع مزونه
اللي ليامن هما ضاقوا بتعابيري


عشاقة المدح والتسليك يرضونه
بعيد بعد السماء عنهم تباشيري


ينبت بي القاف يتدلى في غصونه
القاف قافي وواجد في الشعر خيري


من لحني الشعر دايم يآخذ لحونه
لو كل شاعر كتب له من تصاويري


حرفي المقدم على كل حرف في كونه
في نظرتي
في اختلافي
في نواويري !


وجهة نظر تحتمل صحين مضمونه
طاووس شعري ولاهو من أساطيري


عادي ولو ما لقيت قلوب يوفونه
من يجهل الشعر يجهل كيف تقديري


ما أنا من اللي يبيع إحساس يشرونه
عرّافت الروح قالت : في تفاسيري


ما يستحق المحق إنه يغارونه
يا صوتي اللي انبلج لك من تفاكيري


دعهم وبكره إذا غيّب ينادونه !
من غير أبيّح سدودي في أساريري


‏من باح حرفه صدق ما يختلف لونه
لي قلب صادق ولي مبدأ بمعايري


للنظم ناظم يصوغ أبيات موزونه
وللشعر شاعر مؤصل عنك يا كيري !!


لحن الأماكن شجي يا لحن دلعونه !
أنظم و اكتب و أكذب به على غيري !!


يا ملهمة قلبي الشاجي وكينونه
من أول العمر لا آخر مشاويري


قلب الوفي بالوفاء يفديك بعيونه
يا موطن الروح يا أغلى مقاديري


من منطلق من يحبوا شيء يفدونه !!!!!
آسف على صوتي اللي مات به طيري !!


يموت عادي ويبقى سحر مضمونه
بكره تلاقين نقشي في أحافيري


هذا الغلا
و
الولاء
و
القلب
و
شجونه
ماهم بيدي ولا بإمرة تفاكيري


العمر رحلة وفيه دروب مجنونه
وأنا مشيت الدروب بدون تخيري





الوله .















*