|
محطة عبور ~ حصرية * * تمر الأيام والدنيا محطة عبور! وأنا على حطة يدك قبل توديعها ماعدت أفرّق مابين غياب والا حضور!! أوسِّد أيام عمري كف أسابيعها ما أقسى من الفقد غير إني على آخر ظهور أثر غلا نجد حتى في ذعاذيعها ! يا نجد واللي خلقني لك بتسعة شهور الناس لو عاتبتني فيك ما أطيعها أنتي حميدة نسب وأنا مافيني قصور لو الأيادي تعايب بي بأصابيعها وقع الجروح العميقة ماكنه بالصدور ومنك الجروح العميقة كيف تشييعها؟ عايش و مستنكر الدنيا متاع الغرور! بعدك ما تغنيني الخيل و مصاريعها! ولا الليالي ولا حتى سوالف تدور ؛ ولا النقاشات تغريني مواضيعها ! أعتب على أهل الحياة بدمعة أهل القبور وأقول لله مرجعها .. وتوديعها !! أنتي وحبي لك ليوم الحشر والنشور ونفسي رهينة تفرقها و تجميعها ! * * |
يا نجد واللي خلقني لك بتسعة شهور الناس لو عاتبتني فيك ما أطيعها واقسى الفراق هو فراق الاحبه الابدي فراق لا امل بالعوده فيه تتزاحم الاشواق ويتقد الحنين ونبقى رهن ذاك الوداع واخر نظرات من نحب سلمت ورحم الله من فقدت وفقدنا..! |
الله الله قصيده جزله من شاعر جميل وجزل ابدعت جدا لله درك بوركت وبورك حرفك يختم ل3 ايام |
الله عليك صح لسانك والله يعينك على الم الفراق تحياتي وودي |
الله عليك من شاعر جميل حقااا أبدعت وتميزت لروحك المسك وتحيه بحجم السماء |
العذب انا فداهم صح فكرك ولسانك إلى مالا نهاية ودمت ودام هطولك الندي سطور جميله حملت في طياتها درر نفيسه تقبل أصدق الود وانفاس الورد |
| الساعة الآن 06:45 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا