حبك عقوبة ...
 

https://up6.cc/2024/02/170920572497011.gif


ياغايب ٍ عن عيوني طالت الغيبه
....................وينك ترى القلب في غيبتك مشقيني

عز الله احترت مدري ويش اسوي به
..........................احاول اصبَّره من حين لا حيني

زادت همومه وزادت به لواهيبه
.......................والنوم باسباب غيباتك مجافيني

يهون قلبي عليك اليوم تعذيبه
......................ويهون دمع ٍ من اجلك هلته عيني

يامنبع الحب والاحساس والطيبه
........................ياشمعة العمر والافراح وسنيني

من يوم ربي عطاك الحسن والهيبه
......................سلمتك امر الخفوق وكل مافيني

حبك تمّلك خفوقي وانت تدري به
.........................مدري على وين تاليها موديني

حبك عقوبه وانا ربي بلاني به
...................اصبح كما الدم يجري في شراييني

من وين ماجيت اعذرب فيه واعيبه
.........................تكبر بعيني عذاريبه وترضيني

انت الذي بس ألبّي له مطاليبه
..................وانت الذي شوفتك فالناس تكفيني

وانت الوحيد اللي افرح به واهليّ به
...................وانت الذي بس ترجح له موازيني

ياشينه البُعد وان كثرت مكاسيبه
.....................يصير عثرة حجر بين المحبيني

ارجوك يكفي غياب ولاتماري به
........................تعال واجمع شتاتي لاتخليني

يمكن يجي يوم ماتصفى مشاريبه
........................تعود بعد الغياب وماتلاقيني


https://up6.cc/2024/02/170920572497011.gif

الله عليك ياوارف

نص جميل جداا جداا

ماشاء الله عليك يامبدع

بوركت وبورك حرفك العذب


يختم ل3 ايام

[list=1[list=1]
الله الله عليك وعلى ابداعاتك

المترفه المميزه المذهله

ياغالي حقا امتعت

واطربت وتراقصة

لحرفك القلوب

طربااا وشوقا

ايه الانيق

شكري

وتقديري

لسموك
وتحيه

تملا
الكون
ولا تكفيك

قرأت شلالا من حروفٍ
يوصف حب عاشقٍ
معانٍ وقورة ألبست النص
تاج الوقار والجمال
أمعن قلمك المتألق برسمه :81:

جميل جدا
كلك ذووق
اختيار مميز

*

ستظل يا وارف
احد انبل الارواح
واصدق الاقلام
وصاحب حضور
يرغمك ان تحترمه
وانا والله احترمك
قلم وشخص
صح لسانك
.