مرحبا ايف

ايوة كنت بعمل كده لكن تفضل عيني عليهم
انا معنديش اي برامج حماية
ومع هذا تحسي سبحان الله أن موبايلي متوضيء مش عارفه ليه
مفيش اي حاجة خارجة بتطلع مفاجأة

بس حاليا مستحيل اعطي موبايلي ل طفل ولو كان حيموت من العياط
خليه يموت احسن
^ شريرة انا

السبب ... بعد ما بيمسك موبايلي وعلي الرغم من ان عيني بتبقي عليه
إلا أني بكتشف انه نزل العاب الدنيا والآخرة وأفضل احذف فيهم وقت
وغير لي الخلفية اللي تعجب مزاج جنابة
ويلغي اي مكالمة تيجي وهو بيلعب ومعرفش إلا بالصدفة
بحسهم بيتعاملوا مع موبايلي كأنه واحد واكل أكل اليتيم ووقع تحت ايديهم
وغيره
وغيره
وغيره

حاليا بسيبه لأولاد اختي الكبار
لو موبايلاتهم بتتشحن ومحتاجين النت ضروري
يشوفوا محاضرة او يتسلوا علي ما يتم فك سراح اجهزتهم من الشواحن


انا مش عاملة باسورد ل موبايلي ومعنديش اي مشكلة لو حد مسكه
وعندي ثقة عمياء في أولاد اختي سواء بنات او شباب
وحتي لو حد غلط فيهم انا حغطي عليه وانضف وراه من غير ما افضحه
انا الخالة الحنونة اللي بهل عليهم زي هلال العيد






.