من بعد غيبة عمر جابتني الصدفة
أبنظم البيت لكن يرفض إلهامي


على كثر ما بقلبي لك من اللهفة
لكن توقفت يومك جيت قدامي


كنك تبدلت صرت إنسان ما اعرفه
معقول أنت اللي لْشوفه أنا ظامي


حاولت ألاقى لْبرودي في اللقا صِرفة
لو إني من الندم عضيت إبهامي


رحبت بك والكلام تخالطه رجفة
تكشف لك إش قد خابت فيك أحلامي


واللي ربط بيننا شكله لقى حتفه
تبددت يوم شفتك كل أوهامي


واللي جمعني معاك يشابه الطُرفة
وأنا توهمت إنه حبي السامي


دخل من الباب وأشَّر لي مع الشرفة
وأنا توقعت إنه يسكن أيامي


حتى خيالي ولا لحظة سكن طَرفه
وأنا خياله يمثل جرحي الدامي


واليوم جاني بعد ما الوقت لي هفه
وأنا نسيته وطابت مِنّه ألامي


قلبٍ تجاوز مُحال يناظرك خلفه
يكفيني اللي خسرته لك من أعوامي





سُهيل

هلا بأخي الغالي نسيم


كل الشكر لمرورك


وكل عام وأنت بخير


تقديري

أبيات جميلة سهيل راقت لي

دامت الأنامل الذهبية

هلا بالغالي رجال


كل عام وأنت طيب


ممتن لك


تحياتي

قصيدة ماتعة
لغة منسابة سلسة
قلب مستهام ومشاعر نازفة
لحرفك نكهة المسك وياسمين مسك
تحياتي وتقديري
يختم مع التقييم …