أنتِ كبيرة وعاقلة وفاهمة وواعية
ومحد يقدر يخدعك أو يضحك عليكِ

صدقي هالكلام ولا تستهينين بنفسك وعقلك
حتى لو كان عمرك أصغر منهم

ولا تكونين ضحية لشخص مو همه إلا نفسه ورغباته
يبي ياخذ اللي يبيه وآخر شي يرميك ويدور ضحية ثانية

تدرين لما كنت بنفس عمرك هذا
كنت توني متخرجة من الثانوية العامة
وأول مرة أسجل بمنتدى

وكانت نظرتهم لي أني صغيرة
والبعض يظن أنه سهل يستغفلي

بس على كثر المحاولات لإستغفالي وخداعي
والله ما عمره أحد نجح وقدر يغلبني

و حتى في الواقع ما عمره أحد نجح كلهم يفشلون ويخسرون
بالذات النرجسيين المتذاكيين من الذكور والأناث
أصلاً خلاص عرفت أساليبهم وحركاتهم

بس تدرين ليش محد قدر علي وشنو اللي أسويه ..؟

أحب أمشي على كلام عمر بن الخطاب
" عاملوا الناس بما يظهرونه لكم والله يتولى مافي صدورهم "

يعني ما أدقق كثير وأصلاً مالي خلق أفكر مين صاحبي ومين عدوي

وبعد في دعاء أحبه ودايماً أدعي فيه من لما عرفته

هذا الدعاء

" اللهم خذ بيدي في المضائق واكشف لي وجوه الحقائق "

ادعي وشوفي كيف راح تنكشف لك كثير أشياء

أهم شي لا تستسلمين
تخيلي نفسك في حرب
ولازم تغلبين كل أعدائك وتصيرين البطلة في قصة حياتك
لا ترضين بدور أقل من دور البطولة