السلام عليكم ورحمة الله


وصباح الخير على الحلوين


مع اني ما أحب المشاكل ولا الصراعات ولا النقاشات الحادة
هنا ولا هناك ولا بأي مكان..


بس حبيت ابين وجهه نظر من زاوية بعيدة ��

قبل امس لمن سهرت من المشكلة الي صارت

سألني اخوي ويش الي مسهرك؟! قلت له مشاكل بالمنتدى


قام فقع ضحك قال من جدكم؟

فوق انه المنتدى من الاساطير الأولين

وشي بيندثر ولا يذكر. فوقها فايقين تتمشكلون؟

بسيطة ماعجبك شيء في مكان أخرج منه

ماعجبك اسلوب شخص اعطيه أكبر بلوك

مكان يؤذيك ويسبب لك تهيج بالقولون ويفصل أسلاكك

أخرج منه ��

وبن المعضلة!!

داخلين ننبسط نغير جو ولا داخلين نشد شعر بعض

ونزيد الطين بلة

بالأخير لو فكرنا كل شيء بينسى وكل شيء يختفي بالأخير

الشيء الباقي صحفية أعمالنا!

كل كلمة محسوبة علينا للأسف مافي استثناء عالم واقعي ولا افتراضي

كل دعوة علينا او لنا تحتسب وترفع للأسف!

وين المشكلة اننا ننبسط ونعمر المكان بشيء ايجابي ومفيد؟!

هو احنا ناقصين بالله مشاكل ومصائب وهموم ودعاوي ناس علينا؟

ناقصين هم بعد هم غزة؟!