01-02-26, 11:02 PM
| #1 | ||||||||||
 
| 
ذكرى ، على جسر الأمل : : لا هزّت الذكرى غصون الشوق لعيونك سريت .....................مع حرفي الهايم كذا لين آصل حدود الغمام اتخيّلك واسكب حروف الشعر لجلك بيت بيت ............................آخذ معانيها من اوهامي وانا كلي هيام هذا سبيلي للوصل لامن على بالي طريت ...........................أبني مكاتيبي وتصبح لوعتي برد وسلام لو تدركين حكايتي ياكم على شانك شقيت .....................من صرتي انتي غايتي واصبحتي لقلبي مرام همسك يرافق مسمعي من يوم في حبك وعيت ..................اصحى على نغمة حروفك شوق ياشوقي وانام اسقيتني قبل امس من كاس الهوى لين ارتويت .....................واليوم انا كلي عطش وادمنت كاسات الغرام اموت في حبك وانا معذور يوم اني رثيت ....................الي بقى مني وهو من عقب ماغبتي حطام لو في يدي في حضنك الدافي عن البرد ارتميت .......................اعيش بك عمري هَنَا عقب الألم والانهزام لو آصلك فوق اللّجمر والشوك لامني مشيت ........................ما ردني لجل آصلك خوف الألم ولا الملام مير انقطع جسر الأمل ماعاد ليت وليت ليت .......................هذا النصيب وله من المنصاب كل الاحترام ياكم خذيت من الظروف وكم من ظروفي عطيت ..............................لو ما تبادلنا العطا تصبح امانينا حطام اعذرك وادمح للخطا واقول انا مثلك خطيت .............................الحال لامن دارت ايام الدهر ماله دوام اغليك وادري غلطتي غلطتك لكن ما احتريت ............اجرحك في عرض الحكي وارميك في عرض الكلام لازانت ايامك تجي مثل السحابه لا هميت ................وان كشّرت سود الليالي تهت في عرض الزحام ماهو ردى لا والذي من نبعه الوافي رويت .............................لكن تصاريفٍ لها في يَدّ راعيها خطام منهو يقول انا القوي وانا على الظرف اعتليت ........................لا زوبعت ريح الظروف تشيل طنّبه والخيام لو يختلف وجه الطريق الّي على جاله مشيت ........................ما تختلف بك هقوتي لو غبت يا نور الظلام : رفيقـ الطيفـ 1447/7/13هـ : : | ||||||||||
 |
| |
 | أصدقاء منتدى مسك الغلا | | |||||
14Likes
