يقولون لي وشلون حالك واقول بخير
وانا بخير فعلاً وأحمد الله سبحانه
ولو زادت حمول الليالي فلابه ضير
تعود فوادي من غثا الوقت وأحزانه
وانا استبشر بربي وأكل لله التدبير
الهٍ ما خاب اللي وقف حدر بيبانه
تزول الهموم بذكر ربي مع التكبير
وبالحوقله وقراية العبد قُرآنه
ترى الابتلا خيره من الله دع التفكير
ترقب فرج ربي ليا حانت أحيانه
وكانك تبي ياصلك ربي بكل الخير
صل أرحامك وابشر بخيره وإحسانه
وأكثر من استغفارك ينولك التيسير
يسهلك امرك وفيه قوتك وإعانه
وعليك بمخاوا اهل الوفا واهل التقدير
ترى العبد يا اخويه قويٍ بإخوانه
وكن منشرح صدرك وقل يا الله الستير
ولا يهمك الوقت اترك الوقت وأحزانه