من زمان كان بخاطري هالموضوع وهو ان دايم الابيات الشعريه لها مناسبة
يعني ابيات شعر انقالت او ذكّرتنا لموقف معين او شعور معين او عن شي معين او لشخص معين
دايم تطلع لي ريلز بالانستقرام عن هالشي وحبيت انقله
يعني مثل عن الشعور :
رغم الهشاشه والضعف اللي وصلنا له احيانا ما يحق لنا ان نميل
او نطيح او ننهار لان فيه من يتكي علينا ويلجى لنا و مثل ما قال الشاعرمحمد المقحم :
"كم واحد قاضي حيله وده يطيح
وتوقفه نظرة اللي يحسبونه قوي"
ويقولون الكبرياء ان تكون محتفظا بنفسك حين يريد الجميع منك التنازل وهنا نذكر ابيات شعر لمزيد الوسمي يقول :
"وشلون امّل المكابر في الامور الكبيرة
والكبرياء جزء من نفسي وتكوينها
عجزت لا اناظر الدنيا بعين اعتبار
ادعس على غارب الايام واهينها
مايتعذر بالظروف الا عديم القرار
ولا يبكي من الحياه الا مساكينها "
وحتى عن خبية الامل قالوا انها تكون درس لصاحبها لان وجود العقل مكان القلب في اهم القرارات التي تاثر في كرامة الانسان وتحدد مصيره .مثل اللي يقول :
"لو نطاوع رغبة القلب ضعفنا من زمان
لكن الله حط للقلب عقلا يردعه "
او خيبة املك في شخص كنت واثق فيه كثير مثل قول :
" خاب ظني فيك من تالي
خيبة اللي صام ما صلى "
ويقولن بعد عزة النفس تفرض على راعيها يكابر لو طحنه الوقت
وضاقت عليه الوسيعه واختنق من ظروفه , تلقاه شامخ ولا يرضى عيون الناس تلمح انكساره مثل اللي يقول :
و احد مهما تضيق بعينه الارض الرحوبه
ما يبين في عيون الناس ضعفه وانهزامه "
وحتى قالوا الانسان الصامت اللي كافي خيره وشره ومهما تغاضى ما هو بسالم
مثل قول سعد بن جدلان
"والمجنّب من الأوادم مايخلاّ
لاسلم من شرّ ذولا جوه ذولا"
وايضا من اسباب انقطاع العلاقات بين الناس سوء الظن ووصفها حمدان المري :
" انا وياك ما اخترنا نهاية دربنا المهجور
خذلنا الحظ لاوالله خذلنا الشك والريبة"
حتى في مشاعر الانسان وتغير شخصيته المتعود عليها كانوا يقولون لا تنشدونه خلوه في حاله
ومثل ما قال مبارك الحجيلان :
"تجيه رايق وانت تجهل خفاياه
وتشيّن اخلاقه وتنبش همومه
ياخوي من صمته تبان المعاناه
يمكن لو هو لحاله يشقق هدومه
والبدو كانوا يقولون اول كل شي قابل للتعديل الا الخاطراذا عاف لو تفرش له الدنيا باراضيها ما رجع على خبرك وقالوا في ذالك :
"كسر الخاطر مثل الخطاء الطبي
الاعتذار فيه مايرد العافيه "
ودايم يقولون الايام والدنيا ما تجي على ما نتمنى وقيل في سياق ذالك :
"اشوف الاحلام ماهي تشبه احلامي
كل ما تخيلت حلمي ضاق بي صدري
مدري الى اللحين ما جات اجمل ايامي
او اجمل ايامي مرّتني وانا مدري "
"""
وانتم ياليت تشاركوني هالنوع من الابيات
ابيات ذكرتكم بشعور معين او شخص او كانها توصف موقف او مكان معين .

[size="4"]
[/size



يسعدني ان اكون اول من


يترك بصمة اعجابه بطرحك


الجميل ايا الراقيه

وهذه هي مشاركتي

البسيطه:-


عسى ما شر عسى ما صابتك عين

يا نور العين يالظبي ---------اليماني



وعسى ربي يصونك لي من الشين

وعينه تحرسك من كل ------شاني


مع ارق تحياتي


$ النسيم المسافر

الله يسلمكم وشكرا لكم
على حسن الكلام والمشاركة

ما فيه انسان بالدنيا ما اوجعته الحياة بموقف او صدمه او شعور سواء كان فقد او صدمه
او صد او جفى او درس مولم, وطبعا ما فيه شخص قوي منا من دون ما يكون له ماضي قاسي , وكانوا يقولون ما فيه احد وصل للعقلانية والنضج الا قد واجه مرارات الحياه وتعبها وشقاها . وهنا نذكر البيت اللي يقول :
" احيان احس اني جبل اصد في وجه الرياح
واحيان احس اني غصن كل ريح تهزها "

الانسحاب في بعض الامور اشبه بالعفو عند المقدرة
والانسحاب في مثل هالامور احيانا حكمة مثل قول سفر الدغيلبي :
" يوم شفنا الشك والريبة وعودنا نكايف
والرجوع من الدروب العوج نوع من الشطارة"