05-27-11, 02:48 AM
| #1 | ||||||||||||||||
   
| 
وش بلاهم اهل قبيلتنا
اهلين حبايبي شخباركم انشالله تمامم ماااطوول عليكم اليوم جايبه لكم موضوع مضحك جدا جدا جدا بس طوويل حبتي اتمنى انوو يعجبكم *- وش بلاهم اهل قبيلتنا كأنهم تقولين ذبان مبخوخ بفليت مغير قاعد يتطاير **- مادريتي!!!!! *- ليه وش صاير ... **- يقولون فيه شاعره مغير تمرمر على هالقبايل والهقوه انها بتمر على قبيلتنا قريب *- ايووووه اجل هالشاعر مهيب هينه نفضت اهل الجبيله وطيرت غبراتها تقولين مكنسه **- يابنت الحلال قولي ماشاء الله ترى خبري بش عينش حاره تذكرين يوم تصكين ناقه الشيخه بعينش الله يكفيني شرها لو ماتفلتي عليها كان فنطست *- عاد هذي سالفه تذكريني بها قوه بس يم الغدير نخلي كومار يورد لنا من الماء ويحطه بالثلاجه ****************ومرت الايام وجاء اليوم المنتظر وجت الشاعره (الشاعره مرت من عند وحده مغير رافعه اصيبعها للسماء وتعدد) الشاعره: السلام عليش ***: وعليش السلام الشاعره: وش قاعده تسوين يامره ***: اعد النجوم اشوف كان فيه نجم غير محله والله لاوريه الشاعره: احد يعد النجوم بعز القايله ***: يوه خلصيني وش تبين الشاعره: حبيت اسالش وين الاقي قبيله الشويش شعير دوت كم ***: تلاقينها تلاقينها ايه خلف الحزم من قدام الشاعره: خلف الحزم من قدام !!!! ***: ايه خلف الحزم من قبله قدام الشاعره: اكسكيوزمي ***: وانتي من اهله ************** (وجلست الشاعره تدور وتدور هالقبيله واخيرا لقتها) ودخلت على الشيخه الشاعره # والشيخه @ #- السلام عليش @- وعليش السلام حياش تفضلي وش علومكم وعلوم عربكم عساها سالمه #- الحمد لله الا ياطويله العمر وش بنت شفتها باول الجيبله نحيفه معصقله وصفت لي هالمكان ولي ساعتين بتوقيت قرنتش مالقيتكم @- احمدي ربش انها ماكلتش هذي سوزان #- سوزان @- ايه خبلة القبيله #- بسم الله علينا @- القهوه ياصبحه ( وتاحذ الشاعره مشاعر القهوه وتحط فنجالها) @- وش بلاش ماشربتي قهوتنا #- ياطويله العمر قهوتكم صايره @- صايره !!!! ياصبحه كبي الدله وشوفي وش بلاها صبحه: ايه ياطويله العمر قهوتنا صايره @- اخزاش الله العذر والسموحه اعذرينا على القصور #- لا ماصار شي الا قولي لي وينهم بنياتش @- غزلان راحت يم المشغل بتسوي اضافيرها ولانا ولين يطقطقون على الانتر نت #- ماشاء الله @- وزينه راحت تتضارب مع فارس القبيله >>>> قوووووووويه #- وعساها تغلبه @-لاتوصين حريص هالبنت مدري من طالعه عليه هالاسبوع مدخله عشره للمستشفى 3 في العنايه واثنين طلعوا بالسلامه #- والخمسه الباقين @- صلينا عليهم الله يرحمهم الا يامشاعر سمعينا من شعرش #- هذي بييتات قلت فيها دخلت بالشق وطارت بوهتي بنظره وحده في مرايتي شفت حسن بوجي بهي وقتها قفلت عالمرايه وبسم الله هللت خوف من الحساد @- صح لسانش سمعينا قصيده اخرى #- ابشري هاذي قصيده قلتها اتغزل في ولد شيخ قبيلتنا قلت ياليت قلبي لك عصيده ومرقوق والروح لك خبزه وحبي لك ايدام وان كان نفسك تشتهي بيض بعيون هذي عيوني لك مقلقل من العام والكبد محموسه على الشوق بالهون واما الحلا ماعندي الا انت يالزين ((عاد انتم تذكرون اللي عينها حاره من سوء الحظ كانت موجوده والشاعره تقول قصيدتها وززززززززز صكتها بعين)) *- هبو الحين لو اقول خرابيط مثلها قالو عني شاعره عليها حظ ايووووو اهب يكسر الصخر وبعدها الشاعره المسكينه لا حس ولا خبر الله يرحمها | ||||||||||||||||
| |
|
05-27-11, 02:59 AM
| #2 | ||||||||||||||
   مهمآ گبرت فبداخلي طفلةٌ مدللـه
| 
قسم بالله مــآآآآآآآ فهمت ولآآآ كلمه  .. | ||||||||||||||
| |
|
05-29-11, 02:50 AM
| #3 | |||||||||||||||
|
هههههههههههههههههههههههههههههههههههههههههههاى فديتس وربي قصه ختيرررره بس حرام اخر شي ماتت اهى اهى | |||||||||||||||
| |
|
06-11-11, 08:38 PM
| #4 | ||||||||||||||||
 مشرفة عامة قديرة سابقاً بدرجة امتياز
|
ههههههههههه عجبتني طريقة السرد معني مافهمت وش مكتوب طار مخي مشكوره حياتي ودي وتقديري | ||||||||||||||||
| |
|
06-13-11, 01:50 AM
| #5 | |||||||||||
 
|
شـكــ وبارك الله فيك ـــرا لك ... لك مني أجمل تحية .
| |||||||||||
| |
|
06-14-11, 04:31 PM
| #6 | |||||||||||||
| إداري سابق ونجم من نجوم الموقع 
|  لا تعليق | |||||||||||||
 |
