منتديات مسك الغلا | al2la.com - احتضاراتي ../عبدالله الحداد

احتضاراتي ../عبدالله الحداد

السلام عليكم ورحمة الله وبركاته

مساء./صباح

جميــل.!

ابشرح لك سبب صمتي وابشرح لك معاناتي
بخلي الدمع في عيني .. يقول اللي جرى فيّه
مدام إن الشعر عادي .. ولا تهمك .. كتاباتي
تفضل / ترجم آلآمي .. بدمعة حب ... صدقيّه
كثير الهم غالبني ..~.. ولا طابت . جراحاتي
عماني عشقي الاعمى وعين العشق معميّه
نسيت النوم في بعدك .. وتاهت بي . متاهاتي
مثل دمعه على خدي ~~ من الآهات مرميّه
مرآياتي . وهم طيفك / تعبت احضن مرآياتي
تعبت اتذكرك فيني .. وفيك الذكرى . منسيّه
كسرني / ما انكسر وقتي وبعثرني بصفحاتي
عجزت اطويك في صفحه ونفسي فيك مطويّه
اناظر صورتك وابكي ..~ وتخنقني عباراتي
دموع العشق جباره عنيفه حيل ~~ ومرثيّه
امانه ليه ما ترجع ؟؟ وترحم .. جور أنّاتي
رضيت الجرح في عشقك وجرحي مارضى بيّه
امانه / .. لا تخليني ~..~ اصارع احتضاراتي
عجزت انساك ياروحي . وروحي فيك مبليّه
وكيف ابعد عن عيونك ! إذا عيونك مسافاتي
تصدق !! حتى ضحكاتي . ملامح جرح مخفيّه
غيابك يا شغف روحي جفاء .. يكتب نهاياتي
علامك صرت مهملني !! ونفسك عني ملهيّه
تعاساتي الم هجرك ~~ الم هجرك تعاساتي
تذل الجرح كيّاتك ..~~ ومنك الروح . مكويّه
جفاك إللي قتل حلمي / قتل حتى . مساءاتي
إذا نيتك تقتلني / ترى / تكفيني / النيه ~
ذبحني خنجرك طعنه .. عكس كل ~ اتجاهاتي
غرامك ما رحم روحي . وموتها / وهي حيه
تعال اجمعني لملمني وبعثرني . كما ~ الآتي
تعال الدنيا من دونك الم .. وجروووح مدمّيه
تعال ارجوك موّتني ! وطّهر روحي من ذاتي
تعال ارجوك ريحّني !! ويكفي . ما جرى ليّه
تعال اكسر سبب صمتي تعال اسمع معاناتي
تعال اقراني بعيونك ~ وشوف اللي جرى فيّه
مدام إن الشعر عادي .. ولا تهمك .. كتاباتي
تفضل / ترجم آلآمي .. بدمعة حب ... صدقيه