لا صرت ( ناوي ) تفارقني وتتركني
.............الله معك يا ( أجمل ) سنيني وخلاني ,

لكن أبهديك يوم فرقنا ( ركني ) :-
.............عشان تعرف إحساسي يوم ( تقراني ) !

ما كنت اصدق لين هـ ( البعد ) طوّل
.................والحين في ( دنياي ) كل شي وارد ,

يا مـوطني ( ضاعت ) حياتي تسوّل
.................مطرود من ( دنياي ) من غير طارد !

مشاعري ما هي مثل حالي ( اوّل )
.................والبال له عامٍ من اليوم ( شارد ) :-

من بعد ما ( غبتي ) بديت اتحوّل ,
................من شاعري اصبحت انسان ( بارد ) !

( عزاه ) يوم انك ليا ضقت أنا ضقت ؟
..................اليوم أنا من سبتك صرت ( ضايق )

توّي من ( احلامي ) قبل يومين فقت
.................( الحب ) ما عاده على القلب لايق !

( العيد بكرة ) جيت أهنّي وأبارك
.......................رغم الأماكن والعيون ( الحزينة )

الناس في العادة تزور وتشارك ,
.......................( الفرح ) ما بين الأهل بـ المدينة

ياعين كفِّي عن ضجيج انتظارك
.......................لـ الخوف وأرصفْة الشوارع رهينة

( دقيت ) أمس وقلت عيدك مبارك
.......................وبكل برود إحساس قال أنتهينا !

من اول ( غيابي ) عن عيونك دموع
................ما كان لك غير ( المواصيل ) غايه !

والحين راح اسبوع واسبوع واسبوع
................ما عاد اشوف الا انّي انسان تايه :-

( الحب ) مثل الشبعه اللي بعد جوع
................لذيذ لكن ( الغثى ) في , النهايه !

بـ تبقى معي بـ تروح فكر وقل لي
....................قل لي عشان اعرف اواجه مصيري ,

ما ودي اعوّد على ( طير يا اللي )
....................واقول لـ ظنوني ( مع الريح طيري ) !