( زادوا ) جروحي بالقسى ثم غابوا
...............ما قدّروا قلبي , وخاطر شجوني !

يا ليتهم قبل الغياب ( إستتابوا ) :-
...............كان إعذرتهم دمعت ٍ في عيوني !

بشر نحبّ الحكي والخاطر مروّا
...........وكم من خطآ من صفيحة حكينا زالق

( فلان ) سوّا كذا وفلان ما سوّا
...........وفلان دايم بطرْف لساننا ( عالق ) !

أنا أشهد إنّا سلالة آدم وحوّا :-
...........مانترك علوم خلق الله على الخالق !

لا تحسبيني يوم ودعتك ( العام )
..................( مابي ) مواصلنا وكاره صفاتك !

لا والله ( آحبك ) وزفرات الأحلام ؟
..................ما عندها إلا ( حبك ) وذكرياتك :-

سلّمت طيفك لـ( الليالي ) والأيام
..................عساك من بعدي تشوفي حياتك !

لو ماتت الفرحه من , كفوف الأحزان
من ياخذ ( بثار ) النفوس الشقيّه ؟

ومن يفتح بصدر المتاهات ( بيبان )
ويرجّع ( أيام الغلا ) الأوليّه ؟

كم لي أدور عن هويه لـ ( ذاتي )
...........وأنا ورا , ذاتي ( مسافات ) وازعاج

الاحتياج أصعب شعور بـ ( حياتي )
...........عادي اعاني بس مو عادي آحتاج !