طبُآآآإ‘شيُر . ||~
 

بديت أشعر إن هـ الصيف بيكون آخر صيف
أودع عيونك فيه واستقبلك بـ ( الورد )

بلاش السفر وش راح تلقى لا رحت جنيف
( بعد برد هـ الاحساس عادك تدور برد ) ؟

ماشالله عليك انسان راهي , ورجل اعمال
عمايرك في ( لندن ) واراضيك عـ الكورنيش

مدامك تشوف الجوع والفقر بـ( الصومال ) ؟
ياليتك توفّر لـ ( المساكين ) لقمة عيش !

( خوينا ) من عاد حنا بزارين
اليا خلص من ( واجباته ) يجينا

نضحك ونلعب وانتمازح وبعدين
اليا بكا من اي حاجه ( بكينا )

من اول ايسلم ويقلط وذلحين ؟
ايمرنا ولا ( يسلم ) علينا

اثر القلوب الحاقده فالها شين
( الله يعافيها ولايبتلينا ) !

تودعك وتضمك وتبكي على ( صدرك )
..........وانا ( عزتي ليّ ) ما أحدٍ جاء يودعني


ياصدري على ( فرقا ) المحبين ياصبرك
..........ولو أن فرقاهم من العام ( يوجعني ) !

محبتك عن عيون الناس ( صاينها )
محفوظة ٍ ما كشفت اسارها إلا لك

في وسط قلبي عن العالم مزبنها ,
ينبض بها قلبي اللي منك متهالك

هذي حقيقه وجيت اقولك ( عنها )
قبل يفوت ( الأوان ) وتقطع إوصالك

( سويتها ) في قصيده وانت لحّنها
شلها بـ صوتك وسجلها بـ جوالك !