جاني وواحد قال: بسالك كم سؤال
 

جاني واحد قال : بسأل كم سؤال
وقبل يسأل قلت : أنا ماني خبير !
قال: جاوبي بس , يابنت الحلال
وكل كلمه حِطَّيهَا .. فبيتٍ صغير
قال نبدي :وشو تعريف المُحال..؟



قلت :


خَل الكلمهـ


فـــ الشطر الأخيـر ..!


القهر : إن شفت دمعـات الرجال
والوطن : ( إنســــان) .. مِتغيِّر كثير
والطفل : لعبه على شاطـي الرمال
و***** : إحساس في عين الضرير
الوفا : [ قلـــبين ] .. يجمَعهُم حلال
والرَجُل : اللـي علـى أهلـه يغير
والرجا : لا قلت للواطـي تعال
والفشل : مدري ولكنـه مرير
الشعر : في وقتنا .. بدر وطلال
وكان أوَّل : حيـل يعجبنـي جرير ..!



والغلا : إحساس إلى حَـد الخيال


والعِشِق : لا شفت مَعشُوقِك تطير
والجفا : إعكس مفاهيم / الوصال
والوَصِل : يعنـي تأكَّـد فيك خير
والعقل : تِسْفَـه أقاويـل الجهال
والجهل : إن قلت عن نفسك كبير
والخطر : لا صار ما عندك مجال
والبلا : إن صرت معدوم الضمير
والعجب : لا صرت تسأل منهو قال
والتعب : إن كنت تِبْحَثْ عن مصير
الغنى : بالنفس ما هو راس مال
والفقر : من كان .. بأعماله فقير



يكفي يكفي .. أسئله إنهي الجدال
ويلا .. علمني عَن السِّر الخطير
ما أبي تضرب لي في غيرك مثال
قول : عنِّك وإعتبر سِرِّك في بير



جات طعنـه مِن جنوبك والشمال
يعني وضعِك بين مِن حُولك خطير


صاحبـي وإن ضاقت بعينك ليال
لك فرشت القلب مفروش الحرير


في [ بلاد الحلم ].. ممنوع العقال
والمصيبه الشعب ما أختار الأمير


وما ألومك .. كان شدِّيت الرحال
دام بيتك جرح / وفراشك حصير


هــذا تعريفي إلى كلمـــة : مُحَــــال
شي ودِّك فيه .. ولا يمكن يصــــير ..!!

خطت الانامل احرفا
لتتوج الصفحات بذلك الابداع الجمالي
من التصوير والروعة التي في قلمك
فلك عزيزتي في كل كلمة تخطها اناملك
رؤية قد لا يستطيع القلب ان يفهم معانيها
الا بعد ان يتجاوز محيطات التامل
وامواج التريث حتى يصل لمرسى تركيز الكلمه
كتبتي فابدعتي
صورتي فاحسنتي في تصويرك
ومهما كتبت هنا
اظل عاجزه عن وصف جمالية كلماتك
تقبلي مروري وخالص تحياتي
أجمل ورودي اغلفها وأهديها لك

:خجولة:مشكوور اخووي ع هياك مررررررررو
وودمتى بحفظ الله

مشكووووووووور ياقلبوو ع هياك كلام وويسلموو ع المررو