|
موضوع مُغلق |
| LinkBack | أدوات الموضوع | انواع عرض الموضوع |
12-23-11, 06:33 PM | #1 | |||||||||||
|
تَحَتْ شُرْفَةْ مسَا مُرْهَقْ يسُوْلفْنِيْ الشِّتَا ونْبِيْت.. [ ..... ] عَلَى حَدّ العَطَشْ والمَاءْ هَارِبْ واللِّيَالِي جرْد ـــــــ يجِفَّ الصُّوْت يَا دَلْو الكَلامْ ومَا لقِيْت رشَاه تَأَرْجَحْ بِي رُمَاد الوَقْتْ أَنَا والطَّاولَة والنَّرْد ـــــــ خَذَتْنَيْ ضَرْبَة الحَظَّ البِخِيْل اللِّي نسَى مَمْشَاه وَأَنَا طِفْلَة تَهَاب الأَمْكِنَة والمدْخَنَة و البَرْد ـــــــ تحَاولْ ترْسِم الأَحْلاَمْ بــ الأَلْوَان والفُرْشَاة أَصَابِيْعِي مسَاكِيْنَ الطُّمُوحُ وذَابْلاَت الوَرْد ـــــــ تلَوِّحْ والنَّهَارْ أعْمَى يـدُوْر ومَا لِقَى عَطْشَاه وَأَنَا تَغْرِيْبَةَ العُمْرَ القِدِيْم اللِّي كتِبْنِي سَرْد ـــــــ عَلَى سـجَّادِتِي ينْبَتْ أَذَانَه والفَجـرْ يغْشَاه , وتِنْدَهْلِيْ مَلامِحْهم وذِكْرَاهُم وتخْفضْ لِي جَنَاحْ الهَمّ يْعَزْف الضِّيْقْ فِيْ صَدْرِي ويمْلاَنِيْ صدَى غِيَّابْ تَرَا [ كِذْبَة ] إِذَا قَالَوْا : [ إِذَا ضَاقْ الفضَا بِكْ غَنْ ] خَذَتْ صُوْتِيْ أَغَانِي الرِّيْحْ وهَذَا الضِّيْق مِنْ يُوْمَه تُوَحَّدْ بِيْ وْغَنّانِيْ وأَلْقَانِيْ .. عَلَى ذِمَّة جفَافْ وْلِيْل .. أَنَادِِيْ مِنْ وَِرَا صُوْتِيْ عَلَى أحْبَابِيْ ومِيْلادْ السَّهَر يرسِم حَكَايَاهُم عَلَى بَابِي وَأَنَا مَـ اعْرِفْ طرِيْق الصُّبْح فِيْ عِيْنِيْ وَلا شَكْل السِّمَا وشْلُوْن وهُمْ يدْرُوْن – والعُهْدَة عَلَى ظَنِّيْ – بِأنِّيْ – وإنْ كتَبْنِي الصَّمْتْ – أَدَوّرْ فِيْ هَجِيْرِيْ ظِلْـ يصُبّ العشْبْ مِنْ مزْنِيْ وَأَأشِّرْ بَآخِرَ أطْرَافْ الْـ جِيَاعْ اللِّيْ مَلَوْا حزْنِيْ : عَلَى صَدْرِيْ هِنَا بَعْض الكَلام يشِيْخ هِنَا كِلَّ البلادْ الغَايْبَة تِقْرَا مَلامِحْهَا عَلَى وَجْهِيْ.. , وتِهْجِرْنِيْ الأمَانِيْ والقصـَايِدْ لِيْنْ ــــــــــ أَحِسّ إنّ السِّمَا بالضِّيْقْ مزْدَحْمَة وفِيْ كَفِّيْ :[ رَغِيْفْ وْمَوْعِدْ وْإِسْمِيْنْ ] ــــــــــ أَقَاسِمْهُمْ جِفَافِيْ وَأنْتِظِرْ ..رَحْمَةْ (سَحَابْ ) يْمَرِّرْ بصَدري مطَرْ تشْرِيْنْ ــــــــــ يهِزّ اليَاسْ مِنْ جِذْعَهْ وْيِقْتَحْمَهْ , ويَاخِذْنِيْ المسَا مِنِّي ينَادِيْ كِذْبَة الأحْلاَمْ وأنَا مِنْ عَامْ أَجُوْب الحلْمْ ويتْكَسَّرْ طرِيْقَهْ تَحْتْ أًقْدَامِيْ ولا أَعْرفْ أَدَارِيْنِيْ , تحَاولْ يَا التَّعَبَ تحْرثْ هَوَا صَدْرِيْ ؟!:[ أَنَا مَلِّيْتْ ] ...................سنِيْنْ عجَافْ يَطْوِيْنِيْ عَنَاهَا وْ مَا تَحَمَّلْتَه تَحَتْ شُرْفَةْ مسَا مُرْهَقْ يسُوْلفْنِيْ الشِّتَا ونْبِيْت ...................نعِدّ وْجِيْه خِيْبَتْنَا وْصُوْتِي بـ الحزِنْ شِلْتَه برُكْنْ.. وشَارِعْ وظَلْمَا كَأَنِّيْ [ بَائِعَةْ كَبْرِيْت ] ..................تشِبّ أَعْوَادْ وحْدَتْهَا جِفَا والصُّبْح مَا طِلْتَه زَهَابِيْ لَلْمسَا بَرْدْ وْحَنِيْن وْدَمْعَة وْ [ يَالِيْتْ ] ....................أَمَانِيْ والسَّهَرْ وَاقِفْ يكَلِّمْنِيْ وَأَنَا قِلْتَه عَزَفْت بـ أصْبِعِيْنِيْ نَايْ دُوْزَنْت البُّكَا غَنِّيْت ...................سَرَقْتْ أَفْوَاه يشْرَبْهَا الكَلَام وْمَا تَحَمَّلْتَه زَرَعْت بْتَكَّة السَّاعَة عَنَاوِيْنِيْ بلا تَوْقِيْت ..............جَنِِيْتْ أَقْسِى مسَافَات الغِيَابْ وضَاعَتْ أَسْئِلْتَه أَنَا مَا كِنْت أَحَسْب إِنَّ الغِيَابْ غْيَابْ لَوْ مَا جِيْتْ .................أَنَا يَا هَـ الشِّتَا عَطْشَى وْرِيْق الحزْنْ بَلَّلْتَه تمَادَى بِيْ جفَافْ المَا ..وَانَا ابْنِي مِنْ حَنِيْنِي بِيْتْ ................. أَدَّوِّرْ قَلْبْ يِشْبَهْنِيْ ..ومَرِّ العُمْر مَا نِلْتَه . . . ممآ رآآق لي | |||||||||||
|
12-23-11, 10:42 PM | #2 | ||||||||||||
|
لاهنتي وطاااب إختيااارج يسلم أحساسج وذوووقج كل الود | ||||||||||||
|
12-23-11, 11:54 PM | #3 | |||||||||||||
| ذائقه مغموسه بالجمال .. آسرتينا هنا يارائعه لاعدمنا عبقك الساحر ودي | |||||||||||||
|
12-24-11, 02:30 AM | #4 | ||||||||||||||||
| روووعــه ي آلغـــآلــيه آسسستـمري فــي هـ آلآبــدآع يــعطــيك آلعــآفــيه ووودي لــكي | ||||||||||||||||
|
12-24-11, 08:11 AM | #5 | |||||||||||||||
|
لاخلا ولا عدمممممممممممممممممممممم يابعدييييييييييييييييييييييييييييييييييي دووم مميززز لبه كبدكي>>مشييه ههههههههع اكيد منووره | |||||||||||||||
|
12-25-11, 07:44 AM | #6 | |||||||||||
|
يسلمووو ع المرور العطر نورتو متصفحي | |||||||||||
|
موضوع مُغلق |
مواقع النشر (المفضلة) |
أدوات الموضوع | |
انواع عرض الموضوع | |
| |
المواضيع المتشابهه للموضوع : تَحَتْ شُرْفَةْ مسَا مُرْهَقْ يسُوْلفْنِيْ الشِّتَا ونْبِيْت.. | ||||
الموضوع | كاتب الموضوع | المنتدى | مشاركات | آخر مشاركة |
مسسا.... | خيال الروح | الترحيب بالاعضاء الجدد •• | 8 | 12-17-15 11:00 PM |
| أصدقاء منتدى مسك الغلا | | |||||