01-03-12, 02:02 AM
| #1 | |||||||||||||||
   ستبقى اجمل مادخله الغدر لعالمي!
| 
دليلكـ الخآآآص لاحذيتك ياهلا والله..  رجعتلكم مره ثانيه ومعايا سر صغير من اسرار الأناقه.... اليوم راح نتكلم عن الأحذيه وكيف نختار المناسب منها لنا... كبدايه ...علاقه المرأه بأحذيتها علاقه أزليه..ودايماً يكون فيه اكثر من سبب.. يخلينا نخرج و نختار شوز جديد... كسيدات عموماً لاحظنا..اننا مانقدر نلبس نفس الحذاء كل يوم... احذيتنا لازم تتناسقمع ملابسنا وملا بسنا لازم تتناسق مع الأنشطه اللي بنمارسها.. وانشطتنا متنوعه ومختلفه على مدار اليوم و الأسبوع... يعني مثلاً... ماراح يكون مناسب ابداً انو نمارس رياضه المشي واحنا لابسين كعب عالي...ولا؟ ولا راح اقدر احضر مناسبه رسميه و انا لابسه فلات..... زد على انه ممكن نعتبر اختيار الحذاء المناسب.... حتى وان كان سعره غالي استثمار على المدى البعيد... لأننا ماراح نظطر نشتري كل مره يكون عندنا مناسبه جديده ...حذاء جديد... الموضوع هذا باختصار حيكوندليلك لأختيار الحذاء المناسب لكل مناسبه... من خلال الصور و التعليقات..ماراح تواجهك ان شاء الله اي صعوبه سواء ... كنت بتبحثي عن الشياكه...او الراحه ....او التغيير. نبدأ على بركه الله.... الكعب الأبره ...... Stiletto هذا النوع ياتحبيه ياتكرهيه!!!! يتميز عموماً بكعب مستدق وانحناء شديد لقوس الرجل...جميل جداً .. ويعطي المرأه مظهر sexy ... على الرغم من الألم اللي بيسببه وصعوبه الحركه فيه.. لكن حتلاحظي انو السيدات اللي بيحبوه ممكن حتى يلبسوه مع اضيق الملابس.. من جنزات لفساتين لتنانير لغيره..... غالباً بيعطي نتيجه رائعه مع الكل الا السيدات فارعات الطول او شديدات القصر... المشي فيه راح يتطلب منك مجهود كبير وقدره عاليه على التوازن. ... في حال كنت ماتعرفي له او مانتي متمكنه منه ...رجاءً ابعدي عنه لأنه مهما كان.. رائع ومتناسق مع اللبس فشكلك حيكون بايخ قدام الكل و انت بتترنحي يمين و يسار. .... طبعاً الأسود هو سيد الألوان بس انا هنا حاولت ابعد عنه على قد ماأقدر... لأنه حبيت.... انكم تتعرفوا على الوان اخرى اثرها على اللوك في الأخر كان احلى و ارتب من الأسود بدرجات....  انا مو من النوع اللي أأيد انو نلبس احمرفي احمر..احسه مره اوفر.... لكن على جنيفر طالع مقبول جداً... زوووم على الهاي هيلز.... اللون عموماً جريء..لكن لا حظي كيف بين ساقها مشدوده و متناسقه...  هذا اللي كنا خايفين منه؟؟ مثل مانتو شايفين ...الكعب العالي مابيناسب الكل... صحيح انو السيقان طويله علامه جمال.... لكن ايل ماكفرسون هنا طالعه طويله بطريقه مزعجه للنظر... لكن تعالوا هنا شوفوا نيكول....  نيكول برضو معروفه بطولها الفارع لكنها ماتتنازل عن الكعب العالي ابداً ... لكنها بتختار طول مناسب يعزز جمالها.... لاحظي لون الكعب ...اللون هذا كثير دارج الأن لأنه يسمح بمزيد من الطول... نظراً لكونه قريب من درجات البشره وفي نفس الوقت بيتناغم مع كل الوان الملابس... الويدج ..wedge برضو كعب عالي لكنه حل وسط مابين النوعين السابقين. بيعطي العلو المطلوب... شكل الرجل معاه بيكون اطول و يسمح للقدم انها تنحني ببساطه ... وفي نفس الوقت بيدعم القدم ككل.....  رائع جداً ...وأدى تأثير حلو...  مره ثانيه....قارني حجم الصندل و ديزاينه بحجمك... شخصياً مأأفضل هالستايل بالتحديد....اشوفه ضخم وعفش.... على ايفا طالع مقبول...لكن على غيرها اشك بصراحه...  هذا الفستان الماكسي...والويدج عموماً بيتناسق معاه... طله صيفيه انيقه و مريحه ياايفا... الكعب الواطي او الــ Low heels موجهه اساساً لكل سيده طويله او معتدله القامه ... لكن ماتحب تتنازل عن مزايا الكعب العالي...  كعب بسيط و نعوم لكن يكمل اللوك بأناقه....  طبعاً نيكول مبسوطه على رجولها عالأخر.... فراح نشوفها و هي تستعرض جمالهم و تبرز احلى مافيهم.... الساق ككل باينه كأنها مرسومه رسم..... طبعاً احنا ممكن نحاكيها اذا حبينا.....كيف؟؟؟ ببساطه نلاحظ الشغلات الحلوه اللي في اقدامنا و حابين تبرزها .. والشغلات اللي مزعجتنا و نداريها....يعني مثلاً اذا كان قوس القدم عندك مثل نيكول صافي وناعم ... فكري في كعب يشبه اللي لابسته هيا في الصوره.... والعكس صحيح تماماُ ...اذا الكعب عندك جاف و متشقق ... ابعدي عن الصنادل المفتوحه من الخلف.... او اذا ماكنتي حابه شكل اظافرك استخدمي الكعب المقفول من الأمام .... عموماً وفي كل احواله....الصندل مع الكعب رائع... لكن مسئوليه الأختيار الصحيح دايماً تقع عليك.... عاد جنيفر انا اعتبرها سيده الأقدام الجميله .....  ولامره شفتها تغلط وخياراتها في شوزاتها دائماً رائعه... شوفي كيف استخدمت الرباط حول الكاحل عشان تلفت النظر لرجولها..... طبعاً احنا ماراح نفكر نعمل مثلها اذا كانت الساق سمينه و قصيره... الفلات و الباليرينا..... هالنوع سار دارج كثير في الفتره الأخيره و شفناه كثير على السيليبرتيز... لكن حتى اختياره بيكون بشروط...نشوف الصور مع بعض...  انا ماأحب الفلات ابداً... لكن هذا صراحه ينحب من قلب ...لكن مو عشانه حلو... عشان رجولها حلوه و نظيفه على الأخر...<< ياربي ههههه وهالنقطه صراحه خطيره جداً..... الديزاين هذا يكشف الرجل على الأخر...ويبرزها... فعلى القليل مدام ناويه تبرزيها..ابرزيها في افضل حالاتها.. الله ....الله بالبيديكير صبايا  ديزاين ثاني مريح و مناسب مع الجنزات و البنطلونات القطنيه...  باليرينا وبرضو على الموضه مع الــ animal print ومثل ماانتو شايفين ....يتناغم مع التنانير القصيره و مع البنطلونات السكني ... وأكيد مع الــ leggings ابراءاً للذمه :الأن صار بين ايديكم و احد من اهم اسرار الأنوثه...عشان كذا خلونا نتذكر... ان الله غفور رحيم ولكنه ايضاً شديد العقاب..... حبايبي ...اتمنى الموضوع يكون ارتقى لذائقتكم.... انا في انتظار تعليقاتكم ولا تنسوني من التقييم... ميرسي.. | |||||||||||||||
| |
|
01-03-12, 03:15 AM
| #2 | |||||||||||
   
|  سلمت.. أنــآآملكـ..ع..الطرح..الع ـطر دامت..صفحاتكـ..بهذا..الرُقي بانتظــآآر.. قـآآدمِكـ.. الأجمل كــــــل ..الـــوود..بعبق.. الــوورد  | |||||||||||
| |
|
01-03-12, 04:47 PM
| #3 | |||||||||||||
| إداري سابق ونجم من نجوم الموقع 
|
تقرير رائع عن الاحذية النسائية ولكن اتمنى منك عزيزتي الانتباه في المرات القادمة من الصور النسائية وخصوصاً الفتيات التي يلبسون قصير لانها ممنوعه في المنتدى مشكورة عزيزتي على الموضوع | |||||||||||||
 |
|
01-03-12, 06:24 PM
| #4 | |||||||||||||
 اوهام
| الف شكر لك يالغاليه على الطرح الرائع والمميز الى الامام  | |||||||||||||
| |
|
01-03-12, 06:37 PM
| #5 | |||||||||
| الله يعطيك الف عافية على روعة الموضوع  | |||||||||
| |
|
01-04-12, 05:42 PM
| #6 | |||||||||||||||||
 أفكــر فيـــك ليل ونهـآر 
|
مشكورة قلبو على الموضوع .. يعطيج الف عافية فديتج .. تحياتي | |||||||||||||||||
| |
