|
حركات الشباب عند الاشارة .. اغلبيه الرجال لهم طريقتهم الخاصه في شغل اوقات فراغهم لما يكونو واقفين عند الاشاره !!!!!! //// النوع الاول...... وهو الي يستغل وقته ويرتب سيارته ويفتح دروج سيارته ويعفط في هالفواتيرويرميها في الشارع وفجاءه ماتدري الاوهو ناقز في المرتبه الي ورا يرتبها ولا تستغرب اذا شفته ناط في شنطه السياره (الرجال مرتب)وتنفتح الاشاره والاخ مشغول في التنظيف!! ////النوع الثاني..... وهوالي تقول توه يكتشف ان وجهه محتاج تنظيف ويسحب في المنديل وعلى خشمه واذا خلص طفى السياره علشان ينظف اذنه بالمفتاح (قصده شريف) وشوي ويقص اظافريده وماتدري الاوهو مرفع رجله يقصها هذا اذا كان معاه مقص اظافر واذا ماكن موجود فالحل موجود طبعا يقص اظافره بواسطه اسنانه (قمه النظافه)!! ////النوع الثالث...... وهو اكثر واحد يفرح اذا وقف عند الاشاره علشان يبداء يستعرض ويرقص ويردح هو واخوياه ويرقصون السياره معهم !! ////النوع الرابع...... وهو عكس الي قبله وهوالي يشغل شريط حزين وانواع التغلق والحزن و ويكون وجهه مورم من الصياح!! ////النوع الخامس...... وهو الي تقول توه مكتشف انه ابو وماتسمع غير هواشه على بزرانه الي مالين سيارته وماتدري الا وهو ساحب العقال ومخرب التشخيصه(يستعمل اساليب التربيه الحديثه)ويرجمهم بكرتون المناديل الي ماليه السياره والفضل يعود للمحطه البنزين لو تمر جنبهم عطوك منديل هديه!! ////النوع السادس..... وهو الي يستغل الوقت ويجلس يشخص ويرش عطر وشوي لايحط روج ومعلق الايرفون في اذنه ومشغل مسوي جو اجنبي وانواع القز في السيارات الي جنبه!! ////النوع السابع....... وهو الي اذا شفته ترحمه وتقول ميت من الجوع وتشك انه جالس في مطعم مو في سياره الرجال ماسك الهمبرجر بيد والببسي والبطاطس بيد والشورما في حضنه والفطاير جنبه والبيتزا في المرتبه الي وراه ////النوع الثامن...... وهو الي تحس انه ماعنده وقت ابد ودايم بزي ولابس نظاره وخاتم ومبحلق في الجريدة ومسوي زحمه في الشارع والي جنبه طفشان ومشتغل مسجات بالجوال !! ////النوع التاسع والأخير...... وهوالي سيارته زحمه مو ناس لا ماخلى ثوب ولا شماغ ولا بدله ولاجزمه حتى الشراب الا ومركبها (الله يكرمكم)معه عشان يكون تبديل الملابس اسرع عند الاشاره حتى البطانيه جايبه وماخذها معاه تعرفون الجو متقلب!! |
هههههههههههههههههه انـــآآ النوووع الثـــآآمن والتـــآآسسع يعـــطيييك الع ـــآآفييه طرح مميز كعاادتك لاهنتي |
هههههههههههههههههههه واهم شي يرردحوون اشووف كثيرر ووافطسسسسسسسس علييهم ولا مرره شفت ابوو يضررب عياله ووربي نقعت ضحك ياوويل حالي بس ههههههههههههههههههههههههه |
:ضحكه::ضحكه: يسسسسسلمو غلاتي عالطرح ودي |
ههههههههههههههههه ربي يسلمك يالغلا |
| الساعة الآن 12:44 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا