أَهْدِيتِنِي جَرْحْ مُوجِعْنِي وْ عَاجِبْنِي ●● تِدْرِي مِتَى بِتِعْرِفْ قَدْرِي وْ تِفْقِدْنِي ؟ لاَ رِخَصْتْ نَفْسِكْ لِشَخْصِ مَا يِرَاعِيهَا بُكْرَهْ لاَ هَمْلُوكْ النَّاسْ تَذْكِرْنِي وْ تِقُولْ عِزَاهْ عِينِي مِنْ يِدَارِيهَا ؟ مَدَامْ غِيرِي عَلَى قَلْبِكْ { مِشَارِكْنِي } وِشْ هُو لَهْ أَعَلِّقْ الآمَالْ وْ أَبْنِيهَا يَكْفِينِي إِنِّكْ رِحَلْتْ وْ مَنْتَ { عَايِفْنِي} هَذَا عِزَا النَّفْسْ مِنْ كِثْرَة بَلاَوِيهَا أَهْدِيتِكْ دُمُوعْ مِنْ طَعْنِتِكْ تَحْرِقْنِي وْ إِنْتَ إِللِّي تِسْتَاهِلْ الدِّنْيَا وْ مَا فِيهَا وْ أَهْدِيتِنِي جَرْحْ مُوجِعْنِي وْ عَاجِبْنِي لأَنَّ الهَدَايَا عَلَى مِقْدَارْ مِهْدِيهَا صَحِيحْ { حِنَّا انْتِهِينَا } بَسْ صَدِّقْنِي وَاللّه إِنِّكْ تِبْقَى { هُوَى رُوحِي } وْ غَالِيهَا مَفْضُوحْ رَاعِي الهِيَامْ وْ نَظْرِتَه تِغَنِّي مَلاَمْحَه وَاضْحَة فِي وَجْه رَاعِيهَ لِكُلِّ دَاء ٍدَوَاءْ لُو هُو مِتْعِبِنِّي إِلاَّ مَحَبِّتِكْ عَيَّتْ مِنْ يِدَاوِيهَا إِنْ قِلْتْ عَلِّمْنِي أَنْسَى؟ لاَ تِعَلِّمْنِي دِنْيَايْ لاَ مِنْ نِسِيتِكْ وِشْ تَالِيهَا ؟ فَارَقْتِنِي وْ ضَحْكِتِكْ عَيَّتْ تِفَارِقْني وَاللّه يِلْعَنْ أُبُو الفَرْقَا وْ طَارِيهَا مَقْدَرْ أَفَكِّرْ بْغِيرِكْ وْ إِنْتَ عَارِفْنِي عَشَانْ حَاجَة بْقَلْبِي مَقْدَرْ أَخْفِيهَا أَخَافْ لاَ حَبِّنِي غِيرِكْ وْ عَاشَرْنِي يِشُوفْ صُورِتِكْ فِي عِينِي وْ يُوحِيهَا نِشَدْتْ عَنِّكْ وْ سِمَعْتْ إِللِّي { يِفَرِّحْنِي} وْ يِرْتَاحْ صَدْرِي مِنْ هُمُومِ يِحَاتِيا ( تَبِي تَعْرِفْ وِشْ عَلَى الفَرْقَا مْصَبِّرْنِي إِنِّكْ بْخِيرْ وْ حَيَاتِكْ مِتهنِّي فِيها) |
يعطيك العافيه ........ علي جمـــالَ الطرحً الرائع ماننحرم .......... من مواضيعك المميزهَ في أنتظـــار .......... القادم منك .... مــــــودتيَ .... |
مشكوووووووووووورة واللة يعطيك الف عافية سلمت يمنااك على الطرح الراقي والرائع ننتظر جديدك بكل شوووووووووووووق دمت بود وخييييييييييير |
الساعة الآن 10:22 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا