ياليل ماللجرح في داخلي لون
كل الزوايا في عيوني تساوت .

. أضحك واجامل خاطري لكن بهون
واقول في نفسي بسيطه وهانت .

.ونا على الصدمات صاطي ومجنون
والنفس عافت والصواديف جارت .

. اللي شكا من ضيقة الدهر مغبون
واللي يدينه بالخطايا تتالت .

. واللي كتم دمع الشقا داخل النون
واللي دموعه واضحات وسالت .

. واللي ظروف الوقت اهدت له طعون
حتى وسوم الجرح بالخد بانت .

. ناس(ن) تدس السم في داخل صحون
تضحك بوجهك لحظت(ن) ثم مالت .

. وناس(ن) عليك من السوالف يعيبون
بالحقد والغيره على الخلق كالت .

. مايحسبون اغلاطهم بس يدرون
ان المراجل غادرتهم وفاتت .

. وناس(ن)من الضيقه بدنيا يغنون
ماهمهم دنيا الغثا كيف صارت .

. وناس(ن) عليك من العباير يهلون
لكن حس شعورها كان صامت .

. يارب غفرانك على مايسوون
لادق ناقوس الخطر واستبانت .

. لاجا نهار الحشر والناس يبكون
وقلوبهم صوب الحناجر تعالت .

. عسى عديمين الفكر بس يقرون
دنيا الاماني قبلهم كيف زالت .

. الليله الليله حياتي بلالون
كل الزوايا في عيوني تساوت .

مرور طيفكم الراقي يرسم الابتسامة على وجهي
أشكركم لحضوركم الجميل لكل جديدي
و لردودكم الرقيقة التي تزيد حروفي وكلماتي
جمالا ساحرا و عبيرا ورديا
دمتم بكل الحب والخير
في كل لحظاتك الجميلة