|
صح الشمالي صدره اوسع من الكون..؟؟ صح الشمالي صدره أوسع من الكون ** بس إنتبه لاضاق صدر الشمالي وصح انك الغالي وانـا فيـك مجنـون ** بس انت ماقدرت من قـال غالـي خيبـت هقـوات ٍ كثيـرات وظـنـون ** وأخلفـت ماكـان بخيـالـي وبـالـي وخليت كـل النـاس عنـدي يقولـون ** مسكين يمشي بالهوى دون والـي والناس ناس وأكثر الخلق يـدرون ** باللي معك صايـر وماقـد مضالـي كم قلت لـك لاتفعـل اللـي يسـووون ** خلك معـى مخلـص بـأول وتالـي كم قلت لك إترك هل الهـرج يحكـون ** وأرفـع مقـام الحـب دايـم بعـالـي لأن الهـوى مبـدا وحكمـه وقـانـون ** شي ٍ كبير وشي .. شـي ٍ مثالـي الله لو تـدري اليـا غبـت وشلـون ** حالي اليا من غبت وشلون حالـي لارحت ضلعي من عنا البعـد محـزون ** حتى منامـي لاحشـا ماهنالـي وإن جيتنـي دمـي وروحـي يغـنـون ** رقصة غلا من بعـد طـول إنشغالـي واليـوم مانـي فيـك مغـرم ومفتـون ** اليوم أنا فـي غيبتـك صـرت سالـي مالك ومالي .. ماانـتْ للخافـق تمـون ** وان قلت ليه. اقول : مالـك ومالـي وأكيد لـك رجعـه وأنـا اكيـد بكـون ** أحرقـت صفحاتـك ولا لـك تـوالـي وبسّمعك أحلام لاجـرت لحـون ** وش ذكـرك حـب ٍ طوتـه الليالـي نعـم طويتـك والغـلا مـات مطعـون ** حتـى خيـالـك بقتـلـه لاطـرالـي ملعـون أبـو قلبـي إذا جـاك ملعـون ** وأنـا معـرب مـن عمـام وخـوالـي انا شمالي صدري اوسـع مـن الكـون ** بس انت ماخليت صـدري شمالـي |
روعــه , الله يعطيك العافية على أختيآرك .. لاعدمنآ جديدك المميزَ .. أحترامي |
اقتباس:
عساني مانحرم من تواجدك الدائم بين صفحاتي لروحك تحيه معطرهـ بعبير الياسمين ودي |
خيبـت هقـوات ٍ كثيـرات وظـنـون ** وأخلفـت ماكـان بخيـالـي وبـالـي : يآلببببببببببى ـإآ .. :سكر: ابيآتتتِ مرههِ رووعهِ .. لاخلا ولاا عدم .. :رحيق: يسسسلمؤؤ |
مروركم شرف لي ودافع كبير لي لتقديم المزيد ربي لايحرمني منكم جميعا لكم مني كل محبة وتقدير وشكر |
يعطيكك ألف عآفيه أبيآت خططيره مرررررهه ننتظر جديدكك بكل شوق ودي ووردي لكك :نبض::رحيق: |
| الساعة الآن 12:13 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا