منتديات مسك الغلا | al2la.com

منتديات مسك الغلا | al2la.com (/vb/)
-   همس القوافي - شعر - قصائد •• (https://www.al2la.com/vb/f5.html)
-   -   قصيده يابوي اعطني شماغك بتلثم واحتمي به (https://www.al2la.com/vb/t28897.html)

ريناد 05-01-12 09:14 PM

قصيده يابوي اعطني شماغك بتلثم واحتمي به
 
http://www.al2la.com/up/uploads/imag...c576649f9f.gif

يابوي جعلك للبقا والمكاسيب
عمري بدونك يالذرا ويش أبي به
يابوي تسأل عن شفاك المراقيب
طلعة سواتك للنّوايف غريبه


ليه المرض مايعرف الزّين والعيب ؟
مايدري انك للمخاليق هيبه !!
أبسألك وش به غزا وجهك الشيب
والقلب لايع والنواظر شحيبه
وش بك تحاتي لانوى الموت تغريب
تخشى علينا بالليّالي الكئيبه
خذ دلّتك واركى على مسند الجيب
وعطني شماغك بلثمه وأحتمي به


ونروّح لأرض ٍ بها العشب والطيب
وتسمع كلام ٍ يالغلا تحتفي به
يابوي بنتك لاانحكى بالتّجاريب
كل ٍ يشق لهيبه الصّيت جيبه
يابوي ماني من سوات المخاريب
اللّي تجيب لعليَة القوم خيبه
وماني من اللّي لامشت حفّها الرّيب
أنا من اللّي مايدنّس حليبه

مرفوع شاني عن غرام المكاتيب
وأكبر من انّني أرتضي بالحبيبه
أنا غرامي لاابتدوا بالتّراحيب
نفوس الأوادم في وجودي رحيبه
وان كان زيني فتنة ٍ للمصاويب
مسط وجهي بالحري ّق ولهيبه
زيني أبيعه وأشتري سمعه الطّيب
اسم ٍ ينوسم بالصّروح الذّهيبه

وان كان عندي ( بالحلا) شي ٍ اصعيب
عندي جدود ٍ مارضت بالغليبه
دموع القبايل في لقانا مساكيب
كن المقابر لاحضرنا قريبه
خضّبت لك كفّي من العز تخضيب
ورفعت راسي للنّجوم الصّعيبه
والله لأسدّك بالفعول المصاليب
والله لأشيلك بالرخا والمصيبه

طلع المعالي ماانحكم للشّواريب
بنت ٍوأناطح فارس القوم طيبه
وياشيخي إبشر لوتدور الدّواليب
بنتك إلا منّه عوى الذّيب ( ذيبه)
: :

http://www.al2la.com/up/uploads/imag...554c3ce460.gif

اللورد يحيا 05-01-12 10:32 PM

ونعم والله ..

صح لسان قائلها وسلمت يد ناقلتها

كلمات راقيه وابداع مميز وانتقاء ذوق

اشكرك عزيزتي على جمالية القصيد

اسمحي لي بنقل القصيده الى قسم همس القوافي

يعطيك الف عافيه :رحيق:

لقيت روحي 05-02-12 01:35 AM

هُنِآآ

يَنسَكِبُ الابدَاع كَقطَراْتِ الْمطَرْ


تُداعِبُ أغصانَ الزَهر

كذلكَ كانَ نزْف ريشَتكِ نَقيُ ويَتَطآيرُ
من بين الحُروف بشفافيهٍ وَيَنسَكِبُ عِطرُه بنقاء
رائِعُ وأكثر
..

الْحَرفُ معَكِ شَمْسٌ تُدَفِّئُنَا بِخُيُوطِهَا الذَّهَبِيَّةْ

بَآقَآتُ وَرْدٍ لِـ رُوحِكِ..
!

al7le4b7ny 05-02-12 02:05 AM

يالبيييييييه وقسسسسسسسسسسسسسسسم الييممه لبه قلبك ع الطررح

بيبى كيوت 05-02-12 12:23 PM

سلمت لنا اياديك على الطرح الجميل بانتظار جديدك:ورد:

ريناد 05-02-12 02:00 PM

اقتباس:

المشاركة الأصلية كتبت بواسطة صائد الطرائد (المشاركة 156668)
ونعم والله ..

صح لسان قائلها وسلمت يد ناقلتها

كلمات راقيه وابداع مميز وانتقاء ذوق

اشكرك عزيزتي على جمالية القصيد

اسمحي لي بنقل القصيده الى قسم همس القوافي

يعطيك الف عافيه :رحيق:

ماعليك زوديالغلا
منور الموضوع بطلتك


الساعة الآن 02:23 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا