سلطات ومقبلات شهية - منتديات مسك الغلا

**ليان** · 05-19-12, 11:16 AM

بسم الله الرحمن الرحيم..

هذي مجموعة من السلطات والمقبلات عجبتني لميتها لكم هوني للإستفادة..

خصوصا مع قرب شهر الخير.. والطعام ^^

وقت ممتع...

* ملاحظه~ : الخبز المحمص الجاهز راح استخدمه كثير بالسلطات .. بحط لكم صورته بس فيه واحد ماصورته الي من سفن دايز ..

- سيزر بطريقه ثآنيه

- سلطة البآذنجان الـخاقوقيه (1)
- سلطه البآذنجان (2)
- سلطة البيتزا
- سلطة من تخبيصي < تسمعين بالأسمآء
- سلطه لـ بنات اخر الليل (1) < لانها سهله
- سلطه لـ بنات اخر الليل (2)

سيزر بطريقه ثآنيه ..~

المقآدير: خبز توست ..ملعقتين اوريقانو.. فصين ثوم .. ملعقه زعتر ..زبده ..صدور دجاج .. صوص رانش+ صوص فرنسي + ماونيز بالفلفل

الطريقه :

نذوب الزبده مع فصين الثوم + الزعتر والاوريقانو .. وندهن الـ الخبز ونقطعه صغار ونحمصه بالفرن ونتركه يبرد ..

نتبل صدور الدجاج بعد التقطيع بـ فلفل اسود وكمون وعصير لمون وخل وصويآ صوص من كيكومان وفص ثوم وعلبه زبادي .. تتبل مده ساعتين على الاقل ..

بعد كذا نشوحها على النار بـ زبده ونحط بالتاوه الدجاج والتتبيله معه .. ونتركه على جنب ..

الصوص :

صوص فرنسي ورانش ومتبل ثوم + ماينيز بالفلفل بس لاتكثرون مايونيز .. اخلطو لما يطلع الطعم الي ببالكم ..+ رشه اوريقانو

بعد كذا نصف الخس بالصينيه .. بعدين الدجاج .. بعدين الخبز .. واخرتها الصوص ..

سلطة البآذنجان الـخاقوقيه .. ~

من الذ السلطات الي احبها

المقآدير .. 2 بطاطس .. 2 باذنجان .. علبه حمص .. خس ونص ربطه كزبره وبقدونس ..

الطريقه ..

نقطع البطآطس ونخليه طوال .. ونفس الشي الباذنجان .. ونقليهم .. ونتركهم يبردون

نقطع الخس ..ونفرم الكزبره والقدونس ونتبلهم بـ عصير ليمون وخل وشوي ملح وكمون .. ونصفهم بالصينيه .. وفوقهم الحمص والباذنجان والبطآطس ..

الصوص :

صوص فرنسي + شوي مايونيز وعصير ليمون وخل

سلطه البآذنجان (2) سبايسي ~

المقآدير

: 2 باذنجان مقلي- 2 بطاطس مقلي- معجون الفلفل الاحمر بزيت الزيتون - فلفل هلابينو -خس -

الطريقه :

نقطع الخس صغار .. ونخلط معه الصوص الي هو عباره عن ..:

2 م مايونيز + فصين ثوم + 2 م طحينه + عصير ليمونه + خل + زبادي + 2 م رانش
نخلط الباذنجان بـ معجون الفلفل الاحمر ونضيفه على الخس
نضيف فوق الخس البطاطس المقلي ..
واخر شي الـ الهلابينو

سلطة البيتزا ~

هذي السلطه طعمها يشبه البيتزا .. عشان كذا سميتها سلطه البيتزا

الصوص :

بنات ترا انا اكب وبس ماادقق بالمقادير اعتمد على حاسه الذوق بالذات في هذي السلطه ههههههه

رانش + ملعقتين او 3 شبت مجفف + ملعتقين زيت زيتون + عصير ليمون + شوي بقدونس مفروم +مايونيز +شوي خل
يخلط الصوص بالخس ..واتركيه على جنب .

الدجاج :

صدور دجاج مقطعه شرايح رفيعه احمسيها بـ شوي زبده وملعقتين صويآ + ملعقه صغيره معجون فلفل بزيت الزيتون+ ملعقه خل+ فلفل اسود+ كمون بعد مايستوي الدجاج اضيفي الملح ..

واضيفيه على الخس واضيفي على الدجاج الخبز المحمص الجاهز

سلطة من تخبيصي ~

خس: يتبل بـ زيت زيتون .. ليمون ثوم بودره كمون

بطاطس مقلي
باذنجان ..
جزر مبشور
دجاج محموس بالبهارات والثوم
خبز محمص الجاهز

الصوص ..:

ملعقه كبيره مليانه سآور كريم

صوص رانش ملعقتين او 3 كبار
صوص فرنسي مدري كم بس هو الغالب على الصوص تقريبا نص الكميه كلها فرنسي
نص علبه زبادي.

سلطه لـ بنات اخر الليل (1) ~

خس - صدرين دجاج- خبز محمص جاهز - صوص فرنسي- ليمونه وخل- زبادي

نحمس الدجاج بشوي زبده ونضيف معه صويا صوص وفلفل اسود وكمون وثوم ..

نجهز الخس ونحط فوقه الـدجاج وبعدها الخبز المحمص وفوقهم الصوص ..
الصوص: صوص فرنسي+ ملعقتين زبادي + ملعقه خل + نص ليمونه

سلطه لـ بنات اخر الليل (2) ~

خس - صدر دجاج مقطع قطع رفيعه - خبز محمص جاهز من سفن دايز-

نصف الخس في الصينيه .. ونحمس الدجاج ونضيف الـ الفلفل الاسود والكمون والثوم ورشه اوريقانو وصويا صوص من كيكومان
واخر شي الملح بعد مايستوي الدجاج ..
نضيف الدجاج على الخس .. وفوقهم الخبز المحمص من سفن دايززز

الصوص ..

: زبادي-3 ملاعق طحينه- فص ثوم- نص ليمونه- شوي خل- مايونيز

و بآلهنآ و آلعآفيه

**آسير الشووق** · 05-19-12, 08:20 PM

يعطيك ربي العافيه
بـ إنتظار جديدك بكل شوق
لروحك جنائن الياسمين

**ۈلہ** · 05-19-12, 08:48 PM

-

الله يعطيك الف الف عافيه

طرررح بقمة الروووعه

ودي

^^

**ليان** · 05-19-12, 10:15 PM

سلمت الايادي علي ردودكم وحضوركم الراقي

لا خلا ولاعدم من تواجدكم

**ريناد** · 05-20-12, 02:55 AM

تجنن الطريقه يالغاليه..
ؤشكلهااا يشهي ؤيفتح النفس ؤربي..
راح اجربهاا ان شاء الله..
.
.

المواضيع المتشابهه للموضوع : سلطات ومقبلات شهية
الموضوع	كاتب الموضوع	المنتدى	مشاركات	آخر مشاركة
تعرفي على أسباب ضعف شهية طفلك	سحابه	قسم عالم الأسره والطفل	7	08-16-15 06:20 AM
السمبوسك الهندي لمقبلات شهية	ورده الربيع	قسم المطبخ للوصفات التحضيريه	5	12-31-14 10:30 PM
سلطات منوعه	بيلسان	قسم المطبخ للوصفات التحضيريه	9	12-19-13 05:02 AM
الكباب باللبن .. وصفة شهية	أسيره القلوب	قسم المطبخ للوصفات التحضيريه	2	09-26-12 07:27 AM
سلطة نيسواز : شهية ومفيدة	أسيره القلوب	قسم المطبخ للوصفات التحضيريه	2	08-27-12 02:39 PM

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
شات الرياض	شات الرياض الصوتي للجوال		شات حسبتك لي	شات تعب قلبي الصوتي	شات تعب قلبي الكتابي للجوال
شات فلة الخليج	شات فلة	شات السعودية	شات جوال	شات جفى	شات قلوب
شات القصيم	شات الغلا	شات الود	شات السعودية للجوال	شات الخليج
شات كتابي	شات سعودي للجوال		شات القروب	شات بنات السعودية	شات حب السعودية
شات شقى	شات جوال	شات للجوال	شات عربي للجوال		شات كرم الشام
شات احساس	شات فلة الكتابي	شات سعودي		شات تعب قلبي	شات حبي
شات الخليج	شات قلوب السعودية	شات غلا الخليج