أحتمـل للعنـا .. وأمضـي وأدوّر فــلاح
وإن تضايقـت ! قـمـت أجــرّ قافيّـتـي
الوفـا .. والشفافيـة .. ووجـه الـصـلاح
ينعكـس نورهـا مـن نــور عفويّـتـي
أطلـب الله رزقـه ف/الـغـدو والـمـراح
إنــه العـالـم بـجـهـري وسـريّـتـي
أقطب السد .. وأمنع , لكـن .. السـد بـاح
والليالي عثـت بـي .. وأنـا أخـو خيّتـي
يا ملكنا .. يا ملكنا !! ولد مروين علط الرماح
لـك بأفضفـض , وأخلـي عنـك رسميّتـي
ياحبيـب العـرب .. يابعـد مـن جـا وراح
طـاري إسمـك يــزوّد قــدر جاهيّـتـي
والله إنـي أحبـك حـب مـاهـو مــزاح
شوف صورتـك فـي الجـوال .. خلفيّتـي
والولاء داخلـي مهمـا حصـل مـا يـزاح
أحتـمـي وأتفـاخـر فــي سعـوديّـتـي
أشتكـي لـك مـدام البـرق ف/العيـن لاح
قبـل لا تنهـمـر .. وتـهـز شخصيّـتـي
جانـي الموطـن ! ورحبـت والطيـب فـاح
يوم جيتـه .. "سفهنـي" مـا حشـم جيّتـي
الفقـر .. والعطالـة .. جرعتنـي ذحــاح
وذبحتنـي وأنــا طــلاّب فــي ديّـتـي
شفت يد الوطـن عنـد المواطـن , شحـاح
بالرغـم مـن سخـاي ومـن شهاميّـتـي
حُر .. لكـن !! مـع فقـري مقيّـد سـراح
حُـر .. لكـن !! مـا إستطعمـت حريّتـي
عامي اللـي مضـى واللـي دعـى للفـلاح
ما معي عيـد الأضحـى , قيمـة ضحيّتـي
ذا وأنا أحمل شهادة !! طحت شيـن المطـاح
يعنـي الـلـي بـلاهـا يقـبـل تحيّـتـي
قلت حافـز .. وحافـز مثـل فيّـة صبـاح
وإحسدونـي يابـو متعـب عـلـى فيّـتـي
صعّبوهـا .. وهــي والله ســراح ورواح
عقـدّوهـا .. وزادوا ضـيـم نفسـيّـتـي
حافـز اللـي جموحـه حوّلـوه ل/جـمـاح
كـان واقـع بيّـدي .. وأصبـح أمنيّـتـي
حافز .. اللي شروطـه مثـل بحـر ٍ قـراح
حافـز .. الـلـي يحفـزنـي ل"أنانيّـتـي"
كم شويب ٍ تعنّـى ف/العمـر مـا إستـراح
قال ليـه ..!! منعـوا حتـى مـن شويّتـي
وكم من مَرَه قالت ب/عمـر ٍ تعـدّى المتـاح
لا ضمـان ٍ أنضمـن ولـدي ولا بنيّتـي !!
يا مـدوّن شروطـك هـاك علـم الصحـاح
ذي حقوقـي .. تـرى ماهـي ب/عانيّـتـي
ضاقت صدورنا من "الهم" قـد هـي طفـاح
وأعـذرونـي عـلـى كـثـرة شفافيّـتـي
ضاق مصلح , وزاد الضيـق زفـرة صـلاح
وكـم صالـح تضايـق .. عنـد رمزيّـتـي
الـولاء داخلـي مهمـا حصـل مـا يـزاح
أحتـمـي وأتفـاخـر فــي سعـوديّـتـي
وإن حصل شي من الدنيـا رجيـت السمـاح
سامحـوا فـي ديونـي وإدمحـوا سيّـتـي
قلتـهـا والمقـاصـد والنـوايـا صـحـاح
يـا عسـى الله يعطينـي [ علـى نيّـتـي
شآعر / سعيد بن مآنع :ورد:
