منتديات مسك الغلا

منتديات مسك الغلا (/vb/)
-   همس القوافي - شعر - قصائد •• (https://www.al2la.com/vb/f5.html)
-   -   مـايـجـرح الـروح غـيـر طـعـون غـالـيـهــــا (https://www.al2la.com/vb/t34845.html)

سـفـيـر الـغـلا 12-14-12 02:06 AM

مـايـجـرح الـروح غـيـر طـعـون غـالـيـهــــا
 
لا أخذت في خاطري من واحـد ٍ غالـي
ماعـاد أبـي النـاس قاصيهـا ودانيهـا


ماعاد أبي اللي ينشّدنـي عـن أحوالـي
العزلـه .. أبـرك مـن الدنيـا ومافيهـا


أجلـس لحالـي وأنـادم نفسـي لحالـي
مهـمـوم وهمـومـي .. الله لايحييـهـا


أغيب عن مجتمع خلـق الله أشـوا لـي
وأدلّـه النفـس .. لـيـن الله يسويـهـا


أضحك وأنا الصـدر لادالـه ولا سالـي
مـن ضيقـة ٍ ماتجنّـب عـن حراويهـا


لا اونستها في ضلوعي كنهـا الصالـي !
النـاس مـاعـاد أناديـهـا بأساميـهـا


كنيتهـا ليـن شفـت الشـرّ فـي حالـي
عجزت لأهرج بها وازريـت لا أخفيهـا


ان جيت ابهـرج بهـا شـي ٍ ماينقالـي
وان جيت ابسكت ل( نار ٍمن يصاليها ) !



حتـى تسـاوا مـذاق المـر والحـالـي
حسبـي علـى كلمـة ٍمانـي بناسيهـا



ياليتـهـا مــن عدويـنـي وعـذالـي
والله ل( تلقى ) الجـواب اللـي يداويهـا


لكنهـا مـن حشيـم ٍ منـزلـه عـالـي
احترت فيهـاولا أدري ويـن أوديهـا !


مـردودهـا كــل مامـنّـه تهيّـالـي
شيّمـت نفسـي عـن أولهـا وتاليـهـا

تمرنـي جـعـل والله مالـهـا والــي
ماكنـي اوحيتهـا مـن فــمّ راعيـهـا


وأصـد مـن دون لا أشـاور ولا أمالـي
بضاعـةٍ بـيـن بايعـهـا وشاريـهـا


ماني ب( ناقص ) غرابيـل اول وتالـي
روحـي مـن الوقـت فيهـا مايكفيـهـا


سوالـف ٍ كـل مامـرت علـى بـالـي
سمحـت مـن خيـرة ٍ كنـت متحريهـا


ضايق وضاقت بي فجوج الخـلا الخالـي
( والنار ماتحـرق إلا رجـل واطيهـا )


مهمـا يـدور الزمـان ويأمـن الجالـي
مايجرح الرووح غيـر طعـوون غاليهـا

ليان 12-14-12 09:44 AM

طُرِح جَمِيْل جِدَآ وَفِي مُنْتَهَى الّرّوّوّوّوّعّه
يُعْطِيَك الْعَافِيَه وَيُسَلِّم احْسَاسِك وَأَنْتَقَائِك الْرَّآَئَع
دَآَم نَبْض قَلْبكك

سـفـيـر الـغـلا 12-14-12 09:09 PM

الاروع تواجدك الراقي مشكوره ماقصرتي

دانه 12-14-12 09:25 PM

قصيده في قمةالروعه
طرحت فابدعت
دمت ودام عطائك

ودائما بأنتظار جديدك الشيق
لك خالص احترامي وتقديري
سلمت اناملك الذهبيه على ماخطته لنا
اعذب التحايا لك


سـفـيـر الـغـلا 12-14-12 11:29 PM

مشكوره يــ دانه ع تواجدك منوره

لورنس..أأألرؤؤح 12-15-12 12:01 AM

سلمت يااذووق على هذاا النبع بهذه الابياات الرووعه التي عشت بين طياات أحرفهاا الاستمتااع ...

ابياات جزله تحكي عن حكم واهات شاعر أستمتعناا بقراءتهاا ولم نمل بالمكوث بين تلك الابيات....
دمت لناا بهذا العطااء وبهذا النبع....
تقبل احترامي وتقديري...


الساعة الآن 01:02 AM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا