12-30-12, 12:20 PM
| #1 | |||||||||
   شهيد قعيد أحيا أمة
| 
العروسة والأندومي
[[frame="5 98"]font="arial"] السلام عليكم ورحمة الله وبركاته.... كان يا ماكان عبر هذا الزمان... كان فيه شاب طيب..ومكافح..وعِصامي. أنهى مراحل الدراسه كلها بمستويات متفوقة جدا..وكان فخر لأهله عن حق.. وبعد ما انتهى من الدراسة..رزقه الله بوظيفة مرموقة في أحدى الشركات المعروفة.. ..وبما أن صاحبنا هذا كان دوم جدي واهتماماته أكبر من مستوى تفكير بعض الشباب الطايش هاليومين..سفر واستراحات ومدري إيش.... فاتح أهله بعزمه على الستر و إكمال نصف دينه . أكيد الخبر هذا طار فيه الأهل..اللي ما كذبوا خبر.. همّ سمعوا الخبر اليوم..وعلى طول من بكرة صاروا يبحثوا عن البيت المناسب .. والحمد لله اهتدوا إلى عائلة طيبة ومناسبة..وعندهم بنيّه..تقول تقول للزين ارحل وأنا احل محلك.. وطبعا مثل حال الكثير الأهالي..ما دققوا على أي مستوى وصلت له البنت الدراسي أو هل هي ست بيت ناضجه وتقدر تتحمل مسؤولية زوج وبيت وأطفال..لا طبعا هم بس ركزوا على مستوى جمالها وحلاوتها وقوامها... المهم..يا خواتي وأخواني.. تمت مراسيم الخطبة وال**** والزفاف..بكل يسر وتوفيق..بعدها سافروا العرايس لقضاء شهر الشيرة مدري العسل.. عاد هناك.. أكيد كانوا مبسوطين عالآخر ..كلام عاطفي وعبارات حب وهدايا..ورحلات واستجمام وكل واحد طاير في الثاني ..لدرجة حتى كاس الشاي ما تعمله حبيبتنا..على طول يطلبه الأخ الفاضل ويجيهم عالجاهز.. وبعد انتهاء فترة العسل.. رجعوا لأرض الوطن...إلى الآن سمن على عسل.. "" انتهت إجازة معرسنا...واليوم أول أيام الدوام..وأكيد طبعا هو أول أيام عروستنا في المطبخ... ما أنسى أخبركم..إن حبيبتنا.. ما عمر أهلها شافوها الساعة السابعه صباحا..لأنها ما تقوم من نومها إلا المغرب... وهذا يعني إن عريسنا المسكين راحت عليه اليوم نومه وما قام للدوام إلى الساعة عشر..وهو كان معتمد عليها تصحيه .. المهم عريسنا بدل ما يأخذ هدية زواجه.. أخذ شوية تهزيأة من مديرة بالعمل على هالتأخير,, وبعد ما رجع.. كان أكيد تعبان ومرهق بالمرة ..والأهم كان جوعان لأنه طلع ما أفطر يبي يلحق على هالدوام اللي ما بقى على انتهائه إلى أربع ساعات تقريبا!!.. نادى على عروسه بدلع.. العريس/يا الله حبيبتــي حطي الغداء..ترا ميت من الجووووع... العروس/إن شاء الله قلبــي.. "" الأخ ــ مرة يطقطق بأصابعه عاطاوله..ومره يعبث بالجوال..ومره يقلب في القنوات.. تأخرت الأخت...مدري هي تكمل نومها في المطبخ أو إيش بالضبط..!! "" العريس يكلم نفسه /أكيد هالتأخير وراه غداء دسم..زين إني جوعان.. "" وبعد نصف ساعة تقريبا.. أخيــــــــراً.. شرفت حبيبتنا شايلة صينية خمسه أمتار في خمسه أمتار!! حطت الصينة وجلست.. ..الأخت الظاهر طابخة مندي تنور على هالمناديل اللي سحبتها و تمسح بيها وجهها وإصبعها المجروح من السكين ,وهالنفس الطاير.. العريس بإبتسامه/ يعطيك العافية.. العروس بعد تنهيده /الله يعافيك.. تسلم. العريس يطالع في عروسه ثم يطالع في الصينية .. والمشكلة إنها مافيها غير صحنين مغطّــيه ـ وشوكتين ـ وليمونه اللي يشوفها يقول مصدومه ومتحولة إلى أشلاء..من طريقة تقطيعها.. لكن على الأقل من هالصينية والتأخير وشكل العروس هو تأمّل إن الغداء بيكون غير شكل .على قولتهم.. ....... العريس حب يمزح / الليمونه شكلها يرّحــم!! تبتسم العروس/ تفضل.. العريس..تردد شوي..(خايف أو مدري وش قصته ) وفي الأخير قرر يفتح الغطاء.. وهو يفتح الغطاء كان يقول في داخله : يا ترى وش ينتظرني من الطعااام الشهي ؟ لمن استكمل فتح الغطاء.. وجد أخيرا المفاجأة.. طالع في الصحن..ثم رفع راسه لها..وش هذا ؟ العروس تستقبله بابتسامه عريضه.../ آآ..هذا أرقى وأفضل وألذ أنواااااع... (الأندومــي) اخترته بعناية... ياالله سم الله.. العريس/ إيش ــ أندومـــي ــ العروس عامله ست بيت / شوف ترى ما فيه حد في الخليج كله يعملها زي ما أعملها أنا.. ذوق واحكم بنفسك... العريس ما عمره أكل أندومي..هو أصلا ما يحبها خلقه.... لكن !! الضّــعيف تحامل على نفسه وسمّ الله وأكل..لدرجة كل لقمة يلحّقها بكأس مويه.. ..وبعد انتهاء الغثا .. أقصد الغداء..قام المسكين وهو ما سك بطنه..ويحس الدنيا تدور فيه.. أما العروسه فأكلتها عاااادي جداً.لأنها متعوده عليها.. المهم.. عدى الغذا على خير..بالنسبه لعورستنا طبعا أما لعريسنا فكان المسكين مرابط عند دورة المياه وانتم بكرامه.. طبيعي..كل واحد وذوقه ورغبته في الأكلات..يعني أنا مثلا الصراحه ما أحب الأندومي بالرغم إن أهلي كلهم يحبونها..لكن في النهاية تبقى نعمه الله يحفظها من الزوال.. "" وبعد.. معاناة عريسنا مع هالأندومي..خيم الليل بظلامه.. العريس/ أنا لا فطور ولا غداء..يعني منتهي..ياليت تعملي عشاء يعوض عن الوجبات الثلاث.. انصدمت العروسه..لأنها تظن إنه راح ينام بعد هالتعب اللي تعبه بسبب الأندومي.. "" في نفس المكان...كان ينتظر... لكن زادت الدقائق عن الظهر ... بعد ما دخلت عليه....كانت شايله نفس الصينية.. وضعتها.. طالع...هالمرة 3 صحون.. العريس/فيه صحن زايد..!! العروسه/إيوه..هاي سلطه حبيــبي.. العروسه مسويه فيها ... هالمرة تبي هي اللي تمزح.... العروسه بدلع / سكّر عيونكـ.. العريس شعر بوميض أمل بعيد المدى....هههه..لعلها عامله أكله .. يتكلم في نفسه/الحمد لله .. الظاهر بدت الذرابة تطلع.. الضعّيّف صدق نفسه..وسكر عيونه..... العروسه بعد ثواني.. العروسه/ فتح عيونكـ!! بنفس كلها أمل وترقب تبعات هالحركه..فتح العريس عيونه... والصدمه فاتح الأخ فمّــه/ وش هذا بعد... العروسه غاية في السعاده والفخر بنفسها/ ما تعرفها..هذي أندومي.. العريس/(أندومي) بعد قربعة هالمواعين بالطبخ..في النهاية تطلع أندومي!! مرة ثانية!! العروسه/ لا لا ..هذي غير..بنكهة ثانية جربها وشوف.. العريس/ يا من شرى له من حلاله علّه... العروسه / تقول شيء حبيبي.. العريس بإنكسار/ أقول الله يعطيك العافية.. انتهى هذا اليوم...والعروسه بعد عناااااء دام وقت طويل جدا في المطبخ وهي تطبخ المفطّح..أقصد الأندومي..رمت نفسها على سريرها وغطت في سبات عمييييق..ما استيقظت إلى اليوم الآخر.. الساعة الــ3بعد الظهر.....الأخت الآن في المطبخ مرتبكه ومتلعوزه..وكسرت أشكل من ثلاث إلى خمس صحون من اللخبطه والفهايه!! العريس ينتظر وهو حاط إيده على خده../ ما خلص هالغداء... العروسه/ دقيقه دقيقه.. العريس يتأفف ويكلم نفسه/ والله كأني خياط هندي ..كل شوي دَقيقه دَقيقه.. """ الحمد لله على السلامه..وصل الغداء... زين هالمرة غيّــرة الصينية.. """ العروسه عامله ذوق/ معليش راحت علي نومه.. وماصحيت إلى بإتصال أمي تقوّمني عشان أعمل الغداء.. العريس/ نعم يا ختي........آآه... طيب...المهم عملتي غداء.. العروسه ببشاشه,وبكل ما تعنيه الثقه/..أفا عليك..عملت أحلى غداء.. "" تو بتفتح الصينية... العريس/ أنا أفتحها... الضّــعيّـف..خايف من........... العريس سكر الغطاء بسرعه....وهو حاطط إيده على عيونه من الرّاعه.. العروسه/ وش صاير.. العريس/ وش.. هـ...لا تقولي أندومي..؟! العروسه /..آآ..بس..يعني..هو.. إيوه ..صحيح اندومي.. العريس المصدوم/ إنتي وش سالفتكـ مع هالأندومي.. فطور..أندومي..وغداء أندومي..وعشاء..أندومي... إنتي محسستني إني في ــ جاكرتـا ــ لا يكون شايفتني خدامتكم على هالأندومي وأنا مدري.. العروسه في موقف لا تحسد عليه/ أنا آسفه..لكن.. العريس من جد عصب/ وش آسفه.. العريس/ الناس تأكل مالذ وطاب...تفطر على جبن , مربى , زيتون وما شابه ذلك وتتغدى كبسه وتتعشى ساندوتشات أو زفر..وإنتي ما عندك غير هالأندومي... العروسه ما تدري شتقول / الصراحه....الصراحه أنا ما أعرف أطبخ..وما أعرف أسوي إلا الأندومي.!!! "" انصدم المسكين..وهو يسمع هالحقيقة المرّه...البنت اللي كان يتأمل فيها إنها راح تسعده من جميع النواحي بتحقيق واجباتها على أكمل وجه واللي أكيد من ضمنها الإجتهاد في عمل ما يحبه من الطعام والشراب..تفاجأ إنها ما تعرف أي شيء سوى الأندومي..واللي أصلا ما يتطلب أي مجهود أو فن أو ذرابه.....يعني الأخت عامله فيها دعاية أندومي كل شوي طالعة لي بنكهة جديدة!! العريس/ يعني كيف ماتعرفين إلا الأندومي.. العروسه/ إيوه...ما أعرف أطبخ شيء..ولا أعرف أسوي شيء ما أعرف غير الأندومي... رد عليها العريس بإستياء شديد/ ((أندومي..أجل حياتك معي ما دّومي))!! """ وهنا دمعت عين عروستنا المسكينه..وهي تشوف حياتها انتهت بسبب بسيط كانت في غنى عنه..وتقدر تتجاوزه..لو حست شوي بالمسؤولية.. .................................................. ........................ هذي قصه..حقيقة..لواقع الكثير من الفتيات..واللي دائما شغلها الشاغل هو .. تصفح موقع النت ومنتديات الجوجل..أو القنوات الفضائة وتتبع المسلسلات الخليجة والمدبلجة..أو الدوران في الأسواق والملاهي.. وتاركين شغل البيت على الأم أو الخادمه.. وبس بمجرد ما تتزوج تبدأ معاناتها تظر وهي أعجز ما تكون قادرة على التوفيق بين واجبات الزوج أو مراعاة الأطفال أو شغل البيت.. في الحقيقة.. الأمهات في الآونه الأخيرة أنتجوا جيل من البنات ما تعرف طريق المطبخ ولا تعرف تمسك حتى الفوطه والمكنسه.. وهن بإعتقادهن إن هذا نوع من التدليل والتدليع والحب والغلا لبناتهم.. طبعا هذا غلط.. لأن الحب والدلال..ما يعني الإهمال في توجيه البنت وتعليمها من سن الصغر على الذرابة..والمسؤولية ..حتى لمن تكون البنت في سن الستر والزواج تصبح قادرة على إنها تدير منزل بحاله وتنجح في ممارسة كل واجباتها المفروضه عليها بدون شكوى أو ملل أو تعب أو مساعده من أهلها.. وإن رجعنا للأصل..فإن الأمهات مطالبات بتنشئة بناتهن التنشئة اللي تضمن لها السعادة الزوجية..ولنا في أمهاتنا وجداتنا أسوة حسنة.... كذلك البنات عليهن مسؤولية إنها تربي نفسها على إنها تكون خفيفة نفس في الشغل..أقصد مو كل شيء تسويه تسويه بنفس ثقيلة .. وتعود نفسها على العمل سواء الطبخ أو التنظيف أو مشاركة أمها في تنشئة أخوانها الصغار وخدمة الكبار بحب وأريحية.. حتى لمن تكون في بيت الزوجية ما كل شيء تتفاجأ فيه..وبالتالي يصعب عليها أي أمر وما تقدر تسيّر حياتها التسيير الصحيح اللي يظمن لها إكمال مشوار الحياة بكل يسر وسهولة وتوفيق.. [/frame] | |||||||||
|
التعديل الأخير تم بواسطة صياد واحب اصطاد ; 12-30-12 الساعة 12:36 PM |
|
12-30-12, 04:55 PM
| #2 | |||||||||||||
 
| مسكينه هاالعروس ماتمتعت بزواجها بسبب الاندومي بس هي غلطانه ما ابدلت جهدها عشان تتعلم لو بدت زوجها راح يصبر عليها وشوي شوي بتتعلم وتعرف تطبخ يلا شدو حيلكم يابنات وتعلمو الطباخه يعطيك ربي العافيه وعساك ع القوه | |||||||||||||
| |
|
12-30-12, 07:01 PM
| #3 | ||||||||||||
   
|
يسلمووو طيب هي وش ذمبها  مفروض يجيب لها شغالة وطباخة  | ||||||||||||
| |
|
12-30-12, 07:09 PM
| #4 | |||||||||||||
 
| امممممممم من جد صادق يالغلا اللحين الوحده مفروض في بيت اهلها تخف نفسها علي الاقل لها دور فعال ويفقدونها بعدم وجودها حتي انا عن نفسي اتنرفز ساعات بس اتذكر بعدين وش اسوي واظطر اسكت واستمتع بهالشي اللحين لاني عرفت انه بيفيدني اللحين او بعدين امممم مشكورموضوع مهم من جد ربي لايحرمك اجره | |||||||||||||
| |
|
12-30-12, 07:16 PM
| #5 | ||||||||||||||
   
|
ههههههههههههههههه  ترفع الضغط وتجيب السكر هآلبنت   وهو بععد مفروض يقدرهآ  يعطيكك الف عآفيهه علىٰ هالقصه ننتظر جديدكك بكل شوق ودي لكك  - | ||||||||||||||
| |
|
12-30-12, 09:00 PM
| #6 | |||||||||||
  
|
صراحة من اجمل الواضيع اللي تلفت انتباهي وخاصة في القصص هي المواضيع القصيرة واللي يكون فيها تناقض عجيب يعني اندومي وعروسة بصراحة تلفت الانتباه وتحاول انك تقرأ القصة بالغصب عشان تعرف الصلة بينهم بصراحة قصة رائعة وممتعة وفيها فوائد رائعة لا هنت على طرحك وعساك ع القوة يارب | |||||||||||
•
مدونتي:ياضيقـہ الڝݚر تـﮙفيـטּ فـﮙــے ازاЯير التـ؏ـب وآرحمـﭕنـے ... • بقلمي:هل الشتاء يحمل الحنان؟ّ .. أم أن الحنان هو جزء من الشتاء..؟ّ! |
