اسعد الله صباحكم جميعاً للي عندهم صباح .. اسعد الله مسائكم جميعاً للي عندهم مساء

امس ليلة الخميس في تاريخ : 4 / 5 / 1434هـ نمت بعد صلاة العشاء لاني كنت اسوي بروفه اذا صرت شايب

وصحيت على صوت زقزقة العصافير وقت اذان الفجر ورحت توضيت وصليت ورجعت البيت وفتحت النت ولكن ماكان لي نفس فيه ..

طفيت الكمبيوتر وطفيت معه لمبة غرفتي ورجعت السرير اتقلب ولكن ماجاني نوم

وخطرت في بالي فكره اسويها دام اني فاضي وماعندي شغله

كانت سيارة واقفه عن باب بيتنا تقريباً من ثلاثه اشهر والسياره نوعاً ما موديلها جديد وصايره كفراتها منسمه وكمان الغبار مغطيها من كثر وقفتها لاننا نادراً مانستخدمها .

فخطر في بالي دامني فاضي اروح اغسلها وادعس فيها طريق طويل حتى اقل شيء تتحرك شوي افضل من وقفتها

وفعلاً رحت لبست سروال وفنيله واخذت منشفه وسطل مويه وصابون ورحت لسياره فرقعت اصابعي وغسلتها الين صارت تلق

المهم شغلتها وتركتها شغاله تقريباً 30 دقيقه بعدما تفقدت زيوت المحركات .

وفي الثلاثين الدقيقه رجعت البيت غيرت ملابسي ولبست جديد وزبطت نفسي وكشخت بذاك الشماغ العقال والثوب الجديد مع الجزمات ^_^

وقلت في نفسي وين الحين اروح وبعد تخطيط قلت اليوم ( هواي صحراوي ) ولابد اجرب البداوه شوي بعيداً عن الجبال متجهاً طريق الرياض

كانت رحلتي صباحيه من الساعه 7 ونص صباحاً الى الساعه 11 قبل صلاة الجمعه من نفس اليوم

درجة البروده كان الجو لطيف <<< قصده معتدل وماهو حول المكيف

المكان : المملكه العربيه السعوديه منطقة الجنوبيه مدينة خميس مشيط

نقطة الانطلاق من بيتنا لطريق الرياض وصولاً لطريب مروراً من تندحه ورجوعاً من طريب الى بحيرة القاعه وميدان الرمايه وطريق المدينة العسكريه ثم لبيتنا .. <<< يعني جاء من طريق ورجع من طريق آخر ..

المسافه تقريباً 350 كيلو متر قطعتها انا لوحدي تمشيه فراغ

ونيسي الوحيد ( ثلاثين قرص CD ) منوعات اغاني ، شعبيه على جديد على قديم على حزين على طربقه ..

صورت لكم عدة صور بتركم معها للمشاهده مع شوية تعليقات على بعض الصور :

اعتذر على عدم ترتيب الصور وكذالك جودة بعضها



هذي الصورة اتلقطتها لكم وقت تغسيل السيارة

لاحظوا الغبار عليها



هذي بعد ماطلعت على الطريق السريع خارج المدينه



سرعتي كانت مابين 140 الى 160 كيلو في الساعه مثل ماهو واضح في الطبلون

لا يجي احد يقول اني مسرع ترون الشارع فاضي مافيه غيري



وهذي صورة لطريق مسارين وكمان فاضي مافيه أحد ^__^



هذي صورة جبل كم لفت انتباهي من صغري ونفسي اتسلقه ولكن يحده شبك وزارة الدفاع والطيران لانه داخل املاك عسكريه ويسمى ميدان الرمايه ..

اعتذر عن جودة الصورة لاني صورتها وانا ماشي في الطريق



اخذت من جمب الجبل اللي في الصورة السابقه يسار وانا راجع من طريب بأتجاه طريق فرعي مأدي الى ميدان الرماية وكذالك بحيرة القاعه

خطر في بالي في هذاك الوقت ( الاثيوبيين ) اللي ارعبتنا بهم صحافتنا

لكن الحمد لله اني ماني من الناس اللي ينقاد لكلام صحافه



وصلت بحيرة القاعه وحبيت اوقف فوق الجسر والتقط كم صورة للموقع



وهذي من الجهة الاخرى من الجسر

للمعلوميه البحيره تمر من تحت الجسر



هذي صورة السياره اللي معي



في نهاية الجسر في بيتين مره اعجبوني وحبيت اصورهم لانهم مبنيين بالطراز القديم رغم انهم مبنيين حديثاُ بالخرصانه والبلوك ..



اكيد لابد انزل تحت عند المويه لان اذا مالمست المويه بيديني ورجليني يعتبر اني ماطلعت من البيت وان رحلتي فسدت ^__^



<<< قاعد يقول في نفسه الله يستر من الاثيوبيين لا يهجمون عليه وهو يصور



وهذي الصورة وانا طالع من طريب بأتجاه البيت يعني راجع



وهذي صورة من طريق المدينة العسكريه وحبيت اصور فيها ساهر قبل مايصورني

وجيت لنهاية الصور

في مقطعين فيديو ولكن فضلت استغني عن وضعها لانها تحتوي على موسيقى لاني صورتها والمسجل شغال ونسيت اني امنع الموسيقى في المنتدى ..

وكذالك حذفت صورة طالع فيها وجهي <<< اللي يبي يشوف وجه صائد الطرائد بأمكانه يشوفه في بروفايله او في مدونته ..

والله تمنيت وجميع اعضاء المنتدى معي في الطلعه البسيطه هذي ولو انها بداوه واكثر الاعضاء مايحبون الصحاري ومثل هذي الطلعات

عموماً اتمنى الموضوع والتصوير يعجبكم << يقول في نفسه اهم شيء سوى موضوع حصري

واللي يعجبه الموضوع ياليت يسوي نفسه مايدري ويقيمني

اخوكم / صائد الطرائد

..ــــ*

ونآآسسسسة آحسسسَ عآآد كاآآن مريتنا ترآ كنا فآآضينن مثلكك>>آآوووتَ
المهم آنبسسطت آخووويَ
وتسسلم عَ هيييككَ صصووور
ودي..

..ــــــــ*