منتديات مسك الغلا | al2la.com - بصراحه .. كنت ( أخونك ) !!!!

لو سمحتي ...
عيدي كل اللي تفضلتي .. و قلتي
ما سمعتك ..
لإني فعلا ً ..... كنت سالي
كنت مبحر في خيالي
مره من دونك ,, و مره معك أنتِ
بـــــصــراحــه ... كنت أخونك !!!
كنت أخــــونـــك ....
مع شفاياكِ ..... وعــيـونك
وما .. سمعتك !
.للضحكه اللي في شفاتك تعابير
...... و للسلهمه اللي في عــيونك ســوالف
لي مع نظر عينك دروب ومشاوير
...... ولي مع سناء ضحكتك عهد و تحالف
لاقلت : آســف .. تقبلين المعاذير ؟
... طيب فديتك .. يا هوى الـروح ... آسـف
سليت عنـَك فيك .. ما رحت للــغير
.... و دامي معك ( سالي ) .. أظن ما يخالـف
أناظر عيونك سماء .. و النظر طير
... وأراقب شفاهـك . وأنـا فـيـك تـــالف
المعذره .. وما دام جيتك على خير
... نــرجع نـكـمـل .. ما بقى من الســـوالف

.العفو ... ماكنت أقصد
إنـــي أقصد
لكن .. أنتِ ... بـــصراحــــه
من يسولف معك
يقصد ....
حتى لو ما كان ... يقصد
حتى لو ما كـان شاعر
بتنولد فيه المشاعر
ويمتطي صهوة خياله ... و يركب إحساسه و يبعد
و دامها عيونك مــلاذه ... راح يبعد
وكل ما قرّب .. بـ يبعد
لين ما يوصل لكونك .. وقتها .. يتعب و يقعد
و تنتهي رحله .. و تبدا
مع شفاتك .. له رحله
وتاخذه الغفله .. و يقصد .. حتى لو ماكان يقصد
.لانتهت رحلة عيونك ,, تبتدي رحلة شفاك
.... ولانتهت رحلة شفاتك ,, أبتدي أذبل و أذوب
أنتهي مع مبتداك ,,,, و أبتدي مع منتهاك
.. و النتيجه شوف عينك ,, شمسي مالت للغروب
لأبتديتك ما أنتهيتك حتى لو شعري نهاك
... يبقى بوحي فيك قاصر ,, و المخافه من الذنوب
مع عيونك مع شفاتك طالت دروبي معاك
... لاقدرت أوصل لشفي و لاقدرت أرجع و أتوب
يسألك يا نور عيني ,, قلب ذايب في حلاك
.. لابغيت أوصل لذاتك .. أســلـك أي من الدروب ؟
إييه وش كنا نقووول !!
مـن هـو كان اللـي ... يتكلم ؟
رمشك الناعس .. حياتي .. و إلا مبسمك الخجول ؟
وإلا ....... أنتِ ؟
من هو .. أنتِ .. يا بعد عمري يا أنتِ ؟
لو تكرمتي .. و سمحتي
عيدي كل اللي تفضلتي ,,, و قلتي
لإني فعلا ً ... ماسمعتك
ليه ؟؟ لإني ... كـنـت .. أخـــــونــك !!
كنت ... أخــونــك
مع شفاياك ,,,,, و عـــيونـــك
ومــــا .. سـمـعـتـك