منتديات مسك الغلا | al2la.com

http://ts2.mm.bing.net/th?id=H.4660753505388229&pid=1.9

تقول يا دايم دعاني خيالك
.......... أبيك تشْعر بي إذا تْموت فيني .. !

أبيـك ترْسم روْعتك ف ارْتجالك
.......... حرِّك بي احساس الوله يا ظنيني
واقول عفْوا يا معالي جلالك
.......... أقْصى طموحي بسّ لـوْ تفْهميني
مجبور{ يالصوره } أداعب جمالك
.......... واذوب مابين الْوَهَمْ واليقيني
يا ملْح كل الكون حاسِب دلالك
.......... لا تفْتري .. وِ تْلوم قلبي وعيني !
قادَتْني دْروب الهوى للمهالك
.......... أشواق روحي تَرْجِمَتْها يديـني
يا طيف غيمه لوْ تعَذَّر وِصالك
.......... بسّ افتحي باب السما واحْتريني
بجيك مثل البرْق في ليـل حالك
.......... وارْوي بك عْروق الظّما صدّقيني
للحب في نبْضي جُيوش وْ ممالك
.......... لا جيت كلّي يالغرام احضنيني
مابين أنفاسك وكلمة { أنا لك }
.......... تضيع من عمري مواجع سنيني
ما عاد يِطْفي لَهْفتي إبْتِهالك
.......... بعيش ليله وانْ طِمِعْت اذبحيني
ملّيت من { يا عزْوِتي كيف حالك }
.......... حالي يقوله ما ظهر من ونيني
مافيه مــن يمْلا عيوني بدالك
.......... عيشي محطّاتي فَرَح واحْتويني
فزّيت لك يوم ٍ طرَقْني سؤالك
.......... رِدّي عَلَيّ { مْوافِقَه } واسْمعيني
بقـول شيٍّ ما طرى لك ف بالك
.......... والْبس معك ثوب السّعد يا حنيني
صوت البيات* اللي تغنّى فْـ خِصالك
.......... أسْقاه ينْبوع الصِّبـا* دمْعتيني .. !
يسْكَر على نبْع الحيا من زلالك
.......... ويْصيح باعْلى الصوت لا تتْركيني
معْزوفة احــزان وْعلى رغْم ذلك
.......... بَرَقِّص احْساسك طرَب لو تجيني
انا معاني خَصَّها طيب فالك
.......... مِدِّي كُفُـوف الطيب بينـك وبيني