منتديات مسك الغلا - قـلـت لـك آسـف

[TABLE1="width:100%;background-color:black;"][CELL="filter:;"]

http://www.youtube.com/watch?v=TfImuAvLOug

قلت لك آسف وعنـي مارضيـت
ويش اسويلك لجل ترضى علـي

كنت اجس النبض والله ماخطيت
في دعابـه وانـت ودك تزعلـي

يامقفـي شكلـك لغيـري لقيـت
وجات لك فرصه سببها ترحلـي

يامعنينـي ليـا منـك نـويـت
بالرحيل اللـي صـداه يزلزلـي

ارفق بحالي ترى منـك اكتويـت
ونار هجرك وسط قلبي تصطلـي

ماشكيـت الا لربـي ماشكـيـت
( والله الوالي ولا غيره ولـي )

وماهقيت الصـد منـك ماهقيـت
ارجـع وتذكـر كـلامٍ قلتـلـي
يومك اتـردد لبـو تمـام بيـت

( مالحبُ الا للحبيـب الاولـي )
وين عهـدك بالوفـا لا ماوفيـت
وللمواثيـق القديمـه تجهـلـي

ضاعت عهود الوفا ياللي جنيـت
والوفـا لهـل الوفـا ويجمـلـي

كنت اظنك مخلصٍ لـي مادريـت
انـك المقفـي وغـدرك مقبلـي

كيف تنساني وانا اللي مانسيـت
والله انـي فـي هواكـم مبتلـي

الخفـوق يفـز لامنـك طريـت
وافطنوا فيني ربوعي مَـعْ هلـي

بعدكـم مابـه ولا يـومٍ سليـت
وجمرتك وسط الحشا تغلي غلـي

ليت تدري وش حصل بعدك ياليت
كان ماتهجر ابـن عامـر علـي

[/CELL][/TABLE1]