منتديات مسك الغلا

منتديات مسك الغلا (/vb/)
-   همس القوافي - شعر - قصائد •• (https://www.al2la.com/vb/f5.html)
-   -   دفنت الغرام بخافقي والقلوب أسرار (https://www.al2la.com/vb/t38952.html)

مزون قلبي 07-17-13 05:39 PM

دفنت الغرام بخافقي والقلوب أسرار
 


دليل المحبة شوف عيني عليـك تغـار
ولا ودي الحاسـد عيونـك يطالعـهـا

مع إنك رحلت بعيد لكن بقـى التذكـار
ليا شافتـه عينـي تسابـق مدامعـهـا

دفنت الغرام بخافقي والقلـوب أسـرار
مشاعرهقيـت إن الليالـي تضيعـهـا

فرحت برجوعك ماطلبت لخطاك اعذار
ونفسي نست ماجرى مـن تواضعهـا

تهادت مشاعرخاطري لك بلا معيـار
تجاهلتهـا لوكنـت خابـر دوافعـهـا

يقولون جنّب درب مالك معـه معبـار
يلومون نفـسٍ بعد الاحبـاب موجعهـا

يقولونهـا قبلـي يخـون البحر بحّـار
والآمواج لاهاجت خذت ماتبـي معهـا

تكاثرت منك الصد وأثر العلـوم كبـار
لقيتك علـى نفسـي تقلّـب مواجعهـا

اقوله وأنا اللي شفت ذاك الغلا ينهـار
يشوف الندم رجّـال نفسـه يطاوعهـا

مثل ماضرب جّوٍ خلا غـادي محتـار
يدّوج ورجله مـادرى ويـن موقعهـا

تعرض سموم القيض والدار مامـن دار
هليك وشعر بالموت روحـه ينازعهـا

جحدت الغلا لين امتلا بالخفوق وثـار
قصايد عساها اليوم تطـرق مسامعهـا

غرامك مثل نارٍ حطبها الغـلا و النـار
تموت وغـلاك اللـي بقلبـي يولعهـا

غلاك بضميري واضحٍ ماعليه غبـار
تشيل الغلا نفسي وأنا عاجـز امنعهـا

يقولون ماودعّك : قلت الفراق وصـار
والإنسان روحـه تـنسلـب مايودعهـا

هذيك الليالـي ويـن أثر الزمـن دوار
خذاهـا ولاظنـي زمانـي يرجّعهـا

طوتها السنين ولابقالي سوى التذكـار
لياشافتـه عينـي تسابـق مدامعـهـا





أمير المشاعر 07-18-13 02:25 PM

قصيدة تروي الثرى
ندم على ما فات ومستقبل بفراق يسمو في أركان ألمهم
صح لسان كاتبها وتسلم يمينك ع الطرح
وعسساك ع القوة

مزون قلبي 07-18-13 03:16 PM

اسعدني مرورك

تحياتي


الساعة الآن 02:06 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا