منتديات مسك الغلا
 


موضوع مُغلق
 
LinkBack أدوات الموضوع انواع عرض الموضوع
قديم 08-12-13, 01:06 PM   #1
بيلسان

الصورة الرمزية بيلسان

آخر زيارة »  05-20-19 (03:58 AM)
المكان »  المملكة العربية السعودية (جدة)
يَاحَي يَاقَيُّوْم ..
بِرَحْمَتِك اسْتَغِيْث .. اصْلِح لِي شَأَنِي كُلِّه
وَلَا تَكِلْنِي الَى نَفْسِي طَرْفُه عَيْن
MMS ~

 الأوسمة و جوائز

Icon28 فاق التميز ايطالي ، وصيني ،وغيرو



| ديب السبانخ والخرشوف |


















| الطريقة والمقادير مع بعض | :



ع النار نحمس حبة متوسطة بصل أبيض مقطع لمكعبات صغيره , مع الزيت ..
ونحط ملح عليه عشان يذبل .



بعدها نضيف عليه سبانخ - أنا استخدمت كيس صغير من السبانخ المجمده - .
ونحركها لما تسخن , بعدين نضيف عليها خرشوف - معلب - مقطع لمكعبات صغيره .



بالنسبة للخرشوف أنا حطيت بس قطعتين - مقطعتهم لمكعبات -
طبعاً بتلقون بالسوبرماركت نوعين من الخرشوف الملعب ..



لأنهم يفصلون قطعة الخرشوف : يفصلون القمة أو الرأس أعتقد عن الباقي , ويعلبون كل جزء بحالة .
أنا أخذت الكعب اللي على شكل رأس حبة الفطر , زبدة الموضوع خذوا اللي مكتوب عليها ( خرشوف - كعب ) :$



بعد ما نقلب الخرشوف معهم نرش فلفل أسود ونقلب ,
بعدين نضيف ملعقه كبيره مليانه جبن سائل ونقلبهم لما تتجانس ثم نصب عليهم علبه صغيره من كريمة الخفق .



لما تغلي نضيف جبن شدر + موزاريلا .. مبشورين طبعاً .. بالكمية اللي تحبون .



طبعاً بأمكانكم تزيدون وتنقصون بالشكل اللي تحبونه لين توصلون للطعم اللي ترغبون فيه =)



ونقدمه مع التوست المحمص بالثوم .



- للي سألوني عن طريقته : توست نقطعه شرايح وندهنه بـ جبن سايل وصوص الثوم الجاهز من المطاعم ونرش شوي نعناع مجفف ع الوجه وندخله الفرن يتحمر وبس -









BrB


 


قديم 08-12-13, 01:07 PM   #2
بيلسان

الصورة الرمزية بيلسان

آخر زيارة »  05-20-19 (03:58 AM)
المكان »  المملكة العربية السعودية (جدة)
يَاحَي يَاقَيُّوْم ..
بِرَحْمَتِك اسْتَغِيْث .. اصْلِح لِي شَأَنِي كُلِّه
وَلَا تَكِلْنِي الَى نَفْسِي طَرْفُه عَيْن
MMS ~

 الأوسمة و جوائز

افتراضي







طبخه إيطالية .. سهله جداً .
شفتها باليوتيوب وطبقتها مع تغييرات بسيطة جداً عشان ماتطلع طبخة ثانيه !



طعمها زين .. مافيها ذيك النكهه القوية اللي سببها البهارات .
عن نفسي آكلها مع رز , بس اخوي حبها مع خبز والناس أذواق
+ أحسن مافيها ماتحتاج حمسة وبصل
.
.



| الطريقة والمقادير مع بعض | :



صدر دجاج نقطعه بالنص عشان تصير عندنا شريحتين رقيقتين .
ممكن تدقونه بعدين عشان يرق أكثر بس عن نفسي ماسويت كذا .



عصرت عليه نص ليمونه وخليته يتتبل يوم كامل .



بعدين ناخذ الدجاج ونبهره بفلفل أسود وبابريكا وملح .



ونغمسه بطحين - الطحين بعد نذر عليه شوي فلفل أسود وبابريكا -



وبعدها نغسمه ببيض - البيض نفس الشي نذر عليه شوي فلفل أسود -



وبعدها نحطه على طول بالمقلى نكون حاطينه على نار متوسطه من أول وفيه زيت شوي .



نخلي الدجاج 5 - 6 دقايق وبعدين نقلبه للجهة الثانيه .



لما يستوي ويتحمر شوي نشيله ونحطه بصحن ,



الحين بنفس المقلى نضيف كاس ماي مذوبين فيه نص مكعب ماجي ,
ونضيف عليه ربع اصبع زبدة وشوي بقدونس مفروم وشوي فلفل أسود وممكن ملح بس أنا استغنيت عنه عشان الماجي مالح .
ونحركه لما تذوب الزبده ويبدا يثقل شوي بس .



في هالمرحله نضيف الدجاج عليه ,







ونقلبه شوي ونخليه لما يبدا الصوص يثقل مره مثل هنا شوفوا الفرق - أضفت شريحة ليمون تعطيه نكهه خفيفه -







وبعدها نقدمه .



* ملاحظه :
طبعاً بما إن قليناه ع الطبقه اللي فيها بيض , فتوقعوا يكون فيه نكهه خفيفه .








BrB


 


قديم 08-12-13, 01:08 PM   #3
بيلسان

الصورة الرمزية بيلسان

آخر زيارة »  05-20-19 (03:58 AM)
المكان »  المملكة العربية السعودية (جدة)
يَاحَي يَاقَيُّوْم ..
بِرَحْمَتِك اسْتَغِيْث .. اصْلِح لِي شَأَنِي كُلِّه
وَلَا تَكِلْنِي الَى نَفْسِي طَرْفُه عَيْن
MMS ~

 الأوسمة و جوائز

افتراضي



| دجاج بالكزبره والثوم و صوص الفطر |




















| الطريقة والمقادير مع بعض | :



صدور دجاج نتبلها بليمون قبل بليلة .



وبعدين نغمسها بخلطة الطحين وهي عبارة عن :
[ طحين + ملعقة كبيره من تتبيلة كنور للدجاج بالكزبرة والثوم + فلفل أسود + بابريكا + شوي ملح ] .



ونحاول ننفض عنها الطحين الزايد .



بعدين نغمسها في بيض - نضيف له شوي فلفل أسود - .



وبعدين نرجع نغمسها في الطحين مرة ثانيه ونحط قطع الدجاج بالفريز ربع ساعه .



نحط زيت ع المقلى ونحط عليه الدجاج .
بعد 6 دقايق تقريباً نقلبة للجهة الثانيه .
لما يستوي ويتحمر نشيله .



وبنفس المقلى نضيف الفطر ونقلبه .
بعدين نضيف كاس ماي مذوبين فيه نص مكعب ماجي .
ونضيف ربع اصبع زبدة .



لما تذوب الزبدة ويبدا الخليط يثقل نضيف ربع كاس كريمة خفق وشوي فلفل أسود .
ونحركه لما يتجانس الخليط ونقدمه مع الدجاج .









BrB



 


قديم 08-12-13, 01:09 PM   #4
بيلسان

الصورة الرمزية بيلسان

آخر زيارة »  05-20-19 (03:58 AM)
المكان »  المملكة العربية السعودية (جدة)
يَاحَي يَاقَيُّوْم ..
بِرَحْمَتِك اسْتَغِيْث .. اصْلِح لِي شَأَنِي كُلِّه
وَلَا تَكِلْنِي الَى نَفْسِي طَرْفُه عَيْن
MMS ~

 الأوسمة و جوائز

افتراضي



.


| دجاج بالكاجو |























سهل ولذيذ وما ياخذ وقت ,
للي يحبون الأكل الصيني والطعم الحلو و الحامض .




| الطريقة والمقادير مع بعض | :



نحط زيت ع النار - تقريباً مقدار 4 ملاعق كبيره -
ونضيف له صدور دجاج مقطعه لمكعبات متوسطه .



نقلبها لما ينشف الماي حقها وتتحمر على خفيف بعدين نضيف :
فلفل أسود - ونتوصى شوي لأن مافي بهار غيره -
زنجبيل مقطع شرايح طويله .
بصل أبيض و فلفل بارد مقطعين لمكعبات متوسطة .
كزبره مفرومه .
مكعب ماجي .



ونقلبهم 5 دقايق .



بعدها نضيف الكاجو ونقلب دقيقتين .




* وبعدها نضيف الخلطة هذي :
5 ملاعق كبيرة كاتشب
ملعقتين كبار شطة
4 ملاعق كبيره خل
ملعقتين صغار صوص صويا حلوه .



نخلطهم ونضيفهم ع الدجاج ونقلبهم 10 دقايق تقريباً ونقدمه .
























BrB



 


قديم 08-12-13, 01:11 PM   #5
بيلسان

الصورة الرمزية بيلسان

آخر زيارة »  05-20-19 (03:58 AM)
المكان »  المملكة العربية السعودية (جدة)
يَاحَي يَاقَيُّوْم ..
بِرَحْمَتِك اسْتَغِيْث .. اصْلِح لِي شَأَنِي كُلِّه
وَلَا تَكِلْنِي الَى نَفْسِي طَرْفُه عَيْن
MMS ~

 الأوسمة و جوائز

افتراضي


















عباره عن حلى فرنسي الأصل ,
تقدرون تقولون طوروه الأمريكان وخلوه حلى بالستايل الفرنسي لكن مو نفس الطريقة الأصلية .



سويت المطور ماسويت الأصلي .



طبعاً هو ببساطه تقريباً عبارة عن فروزن يوقرت أو زبادي عادي بعد وفواكة - هذا الشائع -
أنا حبيت أغير شوي وأستبدل الزبادي المثلج بخلطة زبادي .



حبيت يكون طعم الزبادي واضح فكان له النصيب الأكبر من المقادير .. بس ممكن تغيرون فيها وتقللونه لو تبون




| الطريقة والمقادير مع بعض | :



نقطع منقا وفراوله لقطع متوسطه وتحط جزء منهم في قاع الكاس بعدين نسوي خلطتين من الزبادي .



* خلطة الزبادي ( 1 ) هي :
بالخلاط :
[علبة زبادي + ملعقتين كبيره لبنة بينار + 4 حبات جبن كيري + 3 ملاعق كبيره سكر - ممكن تقللونهم لو حابين - ]



* بعد ماينخلطون ناخذ نص هالخليط ونسوي منه خلطة الزبادي ( 2 ) :
نضيف لنص خليط الزبادي ( 1 ) حبة منقا مقطعه ونخلطهم بالخلاط .



الحين نجي لكاس التقديم اللي حطينا فيه منقا وفراولة بقاع الكاس .



ونضيف طبقة من خلطة الزبادي ( 1 )



وبعدها طبقة من خلطة الزبادي ( 2 )



بعدين تكرر الطبقات .. فواكه .. خلطة الزبادي ( 1 ) .. خلطة الزبادي ( 2 )



ونزينه بالكريمه و لوز محمص ومفروم فرم خشن . - ممكن تضيفونه بين الطبقات بعد -



* طبعاً تقدرون تحطون الفاكهة اللي تبونها



هنا بدون كريمه :














BrB


 


قديم 08-12-13, 01:12 PM   #6
بيلسان

الصورة الرمزية بيلسان

آخر زيارة »  05-20-19 (03:58 AM)
المكان »  المملكة العربية السعودية (جدة)
يَاحَي يَاقَيُّوْم ..
بِرَحْمَتِك اسْتَغِيْث .. اصْلِح لِي شَأَنِي كُلِّه
وَلَا تَكِلْنِي الَى نَفْسِي طَرْفُه عَيْن
MMS ~

 الأوسمة و جوائز

افتراضي






















حلى إيطالي ,
تقدرون تقولون عنه مهلبية الطليان



طعمه قريب جداً للمهلبية بس انه متماسك أكثر منها بسبب وجود الجيلاتين .
بحط الطريقة الأصلية وأنتوا ممكن تبدعون بالنكهات اللي ممكن تضيفونها عليه .
تغيير عن المهلبية .



| الطريقة والمقادير مع بعض | :



أول شي هذا الحلى بعتمد على الكريمه .. لذلك هو دسم .
أول مره سويته حسيته دسم جداً فقللت من كمية الكريمه واستبدلت الجزء اللي قللته منها بحليب طازج .



أول شي ناخذ ربع كاس ماي فاتر - يعني عادي لا هو بارد ولا حار - ونضيف عليه ظرف جيلاتين .



ع النار نحط ثلاثة أرباع كاس كريمة خفق وكاس وربع حليب طازج



- ممكن تحطون طاس كريمه وكاس حليب -



بعدين تضيفون عليه ثلاثة أرباع كاس سكر وملعقه صغيره فانيلا .



وتخلونه لما يبدى يغلي .. أول مايغلي تشيلونه من ع النار .



ونحرك الجيلاتين مع الماي ونضيفه ع الكريمه ونحرك بالملعقه لما ينخلطون مع بعض .



الحين نصبها في قوالب ونحطها بالثلاجه يوم كامل .



بعد ما تاخذ يوم كامل بالثلاجة نسوي صوص الفراوله .



نقطع فراولة ونحطها في قدر ونضيف عليها سكر ونحركها ونخليها على نار متوسطه لما تبدى تطلع الماي اللي فيها وتطبخ .



نسكر عنها وتخليها تبرد سوي ونخلطها بالخلاط .



بعدين نصفي الخليط من البذور .



ونخليها تبرد لحد وقت التقديم ..



وقت التقديم لو كنتب يتبين تقلبين البانا كوتا حاولي تحركين السكين ع الأطراف وبعدين حطي غمسي القالب لمدة 10 ثواني بس في ماي دافي واقلبيه .



لا تطولين تراها تذوب بسرعه .



وقدميها مع الصوص .



* ملاحظه :
اذا بتسوين الصوص معاها الأفضل تقللين كمية السكر في البانا كوتّا لأن الصوص حالي وهي حاليه





 


موضوع مُغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه للموضوع : فاق التميز ايطالي ، وصيني ،وغيرو
الموضوع كاتب الموضوع المنتدى مشاركات آخر مشاركة
ايطالى يطلق زوجته بعد 77 سنه azOoOoOoz أخبار من الصحف المحليه والعالميه 8 09-19-16 05:27 AM
غرف ايطالي روعة azOoOoOoz قسم الديكور والآثاث المنزلي والمكتبي •• 7 04-23-16 04:35 PM
ابي نصحني بالانتحار .. وهم القلوب قصص - روايات - Novels stories - روايات طويله •• 16 01-25-15 03:56 PM


| أصدقاء منتدى مسك الغلا |


الساعة الآن 01:18 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا