ليه الغرور احيان يعمي قلوبنا..؟ ليه الغرور احيان يعمي قلوبنا..؟ خاطرة أليمه تحكي عن مرارهـ تتعايش في كل من يعقل معنى الوصال . ليه الغرور احيان يعمي قلوبنا ليه النميمة من كبار ذنوبنا ليه التصنـّع و الكذب ليه انتهرّب من لهيب همومنا و احنا السبب ليه الحسد ليه الحقد ليه انتمنى لـ بعضنا الهمّ دايم و النكد . ليه الكبار اهما السبب في هالضياع ذولا الصغار شـ ذنبهم في هالصراع . كم ليه نسأل بعضنا كم حرف سبّب بغضنا . ليه القلوب تحجّرت ماتت ولاهي أثمرت . تدرون ليه؟ . لان الضماير ما درت إن المعاند في الأسر خلا القلوب تبعثرت . ليه النصوح المنتصح منبوذ دايم بيننا نقسى عليه و ينجرح و احنا ندوّر عالهنا . لو بالطريقة ما عرف الله يغفر ما سلف . لو كلٍّ يأدّي الحقوق و طبوعنا الوافي الصدوق كان البلاوي بهالزمن مهما قست لا ما تعوق . لو كان ينفعنا القريب ما كان إحتجنا الغريب . أرحام وصّانا الإله بـ هالوصل في هـ الحياه أرحام علمنا الرسول إن الجفا مثل الذبول . خلونا نفتح صفحةٍ بيضا تنوّر دربنا دستورها إن الأمل باقي بـ طاعة ربّنا و نعيش في دنيا بلا غيبه بلا ريبه ولا فتنه تخلي قلوبنا سوده من اسباب البلا . خلونا ننسى ما مضى ودْنا انتعامل بالرضا . خلوا التسامح بيننا أكبر مجمّع للأسر خلونا نحفظ كلمةٍ في الذاكرة طول العمر . أرحام وصّانا الإله بـ هالوصل في هـ الحياه أرحام علمنا الرسول إن الجفا مثل الذبول بقلمي روحي تحبك |
ﮕلّمٌآٍآٍآٍآٍآٍتٍ جُمٌيِلّﻫ سَلّمٌتٍ آٍنًآٍمٌلّﮗ عٍ مٌآٍخٍطَهًهً قٍلّمٌﮘ لّنًﺂ وَآٍآٍآٍآٍصِڵ |
طرح جميل ورائع ،، سلمت |
طرح جميل ورائع ،، سلمت :سكر: |
الساعة الآن 04:05 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا